કિડની આપણા શરીરનો ખૂબ જ મહત્વપૂર્ણ ભાગ છે. જો તેના સ્વાસ્થ્યનું ધ્યાન રાખવામાં ન આવે તો જીવ જોખમમાં આવી શકે છે. સારા સ્વાસ્થ્ય માટે અમુક ખોરાકથી દૂર રહેવું જરૂરી છે.
કિડની આપણા શરીરનું મહત્વપૂર્ણ અંગ
સ્વાસ્થ્યને સાચવવા આ ફૂડ આજે જ છોડો
નહીં તો થઈ શકે છે જીવનું જોખમ
કિડની શરીરમાં ખૂબ જ મહત્વપૂર્ણ અંગ છે. કારણ કે તેની મદદથી આપણું લોહી સાફ થાય છે અને શરીરમાંથી ઝેરીલા પદાર્થો બહાર નીકળી જાય છે. પરંતુ ડાયાબિટીસનો રોગ કિડનીને નુકસાન પહોંચાડી શકે છે. કિડનીને નુકસાન થતું અટકાવવા માટે બ્લડ સુગરને નિયંત્રિત કરવી જરૂરી છે.
ડાયાબિટીસ કિડનીને કેવી રીતે નુકસાન કરે છે?
જો બ્લડ શુગરનું સ્તર નિયંત્રણ બહાર થઈ જાય છે તો ધીમે ધીમે તે કિડનીમાં રહેલી રક્ત વાહિનીઓના જૂથને નુકસાન પહોંચાડે છે. જ્યારે આ રક્તવાહિનીઓ નબળી પડવા લાગે છે, ત્યારે કિડની યોગ્ય રીતે લોહીને સાફ કરી શકતી નથી. જેના કારણે હાઈ બ્લડ પ્રેશરની સમસ્યા શરૂ થઈ જાય છે અને કિડનીને નુકસાન પણ થઈ શકે છે.
કિડનીને બચાવવા શુગર લેવલ કંટ્રોલ કરો
આરોગ્ય નિષ્ણાંતોના મતે કિડનીની બીમારીથી પીડિત દર્દીએ શુગરને કંટ્રોલમાં રાખવું જરૂરી છે. આ માટે તેઓએ તેમની જીવનશૈલીમાં ઘણા ફેરફારો લાવવા જોઈએ, જેમ કે-
ખાનપાનનું ખાસ ધ્યાન રાખો
ગુસ્સો ઓછો કરો
સ્ટ્રેસ ન લો.
નિયમિત વ્યાયામ કરો
રોજ યોગ કરો
જો તમને બ્લડ પ્રેશરની સમસ્યા છે તો તેને નિયંત્રણમાં રાખો
જો તમને લાંબા સમયથી પેટમાં દુખાવો રહેતો હોય તો સોનોગ્રાફી ટેસ્ટ અને IgA નેફ્રોપેથી ટેસ્ટ કરાવો.
કિડનીની સમસ્યામાં આ ખોરાક ન ખઆઓ
વધુ પડતા મીઠાનું સેવન ન કરો.
ઉચ્ચ પોટેશિયમ ધરાવતા શાકભાજીથી દૂર રહો. (દા.ત.- બટેટા, ટામેટા, કિવિ, નારંગી, એવોકાડો)
દૂધ, દહીં અને ચીઝ ઓછુ લો. કારણ કે તેમાં ફોસ્ફરસનું પ્રમાણ વધુ હોય છે.
તૈયાર વસ્તુઓનું સેવન ન કરો.
અથાણું, સૂકી માછલી અને સોફ્ટ ડ્રિંક્સનું સેવન ન કરો.