ઉત્તર પ્રદેશમાં હાલમાં વિધાનસભા ચૂંટણીને લઈને ભારે ગરમાગરમી છે. દરેક પાર્ટીએ પોતાના સ્ટાર પ્રચારકોને મેદાનમાં ઉતારી દીધા છે. આ જ ક્રમમાં પ્રયાગરાજમાં શનિવારે હાર્દિક પટેલ કોંગ્રેસના સ્ટાર પ્રચારક તરીકે પહોંચ્યા હતાં. કોંગ્રેસના ફાયરબ્રાન્ડ યુવાન નેતા હાર્દિક પટેલને ત્યારે મુશ્કેલીઓનો સામનો કરવો પડ્યો જ્યારે પોલીસ અને પ્રશાસને તેમને કાર્યક્રમ કરવાની મંજૂરી આપી નહીં. ત્યાર બાદ હાર્દિક પટેલને ઝીરો રોડ પર આવેલા પોતાના કાર્યાલયમાં કાર્યક્રમ કરવો પડ્યો હતો.
હકીકતમાં જોઈએ તો, અલોપીબાગના સરદાર પટેલ સંસ્થામાં ભર્તી વિધાન અંતર્ગત હાર્દિક પટેલ યુવાનો સાથે સંવાદ કરવા પહોંચ્યા હતા. પણ પોલીસ અને પ્રશાસને આ કાર્યક્રમની મંજૂરી આપી નહોતી. તેથી તેમને સ્થળ પરથી પાછા ફરવા પડ્યુ હતું. ત્યાર બાદ તેઓ કોંગ્રેસ કાર્યાલય પર આવી પહોંચ્યા અને યુવાનો સાથે સંવાદ કર્યો અને અહીં તેમણે કોંગ્રેસની જીતનો મંત્ર પણ આપ્યો.
રોજગાર આપવામાં નિષ્ફળ રહી સરકાર
હાર્દિક પટેલ આ અવસરે ભાજપ સરકાર પર આકરાં પ્રહારો કર્યા હતા. હાર્દિક પટેલે કહ્યું હતું કે, કેન્દ્ર અને પ્રદેશની સરકાર યુવાનોને રોજગાર આપવામાં એકદમ નિષ્ફળ રહી છે. કોંગ્રેસના ભરતી અંગેના કાર્યક્રમને સંસદની પણ મંજૂરી નથી આપી, ચૂંટણી પંચે કાર્યક્રમ કરવાની મંજૂરી તો આપી છે. પણ પોલીસનું કહેવું છે કે, અમારી પાસે પુરતી સંખ્યામાં પોલીસ ફોર્સ નથી, એટલા માટે કાર્યક્રમની મંજૂરી આપી શકાય નહીં.પોલીસના આ પ્રકારના વલણને જોતા હાર્દિક પટેલે કહ્યું અમે પણ એજ કહીએ છીએ કે, જો પુરતી પોલીસ ફોર્સ ન હોય અને ખાલી જગ્યા હોય તો જલ્દી પોલીસમાં યુવાનોની ભરતી કરો.
પટેલે યુપી સરકાર અને સરકારી તંત્ર પર યુવાનોનો અવાજ દબાવવાનો આરોપ પણ લગાવ્યો હતો. તેમણે કહ્યું હતું કે, કોંગ્રેસ જનતાનો અવાજ મજબૂત કરવાનું કામ કરે છે. સરકારી વિભાગોમાં જે પણ ખાલી જગ્યાઓ છે, તેને ભરવા માટે સરકાર પાસે કોઈ વ્યવસ્થા નથી. હાર્દિક પટેલે કહ્યું કે, અમે ખોટા વાયદાઓ કરતા નથી. જો પણ ખાલી જગ્યાઓ છે, તેને કોંગ્રેસ સરકાર ભરશે. તેણે કહ્યું કે, જે ભણેલા ગણેલા યુવાનો છે અને તે બેરોજગાર ફરે છે, તેનાથી દેશ અને રાજ્ય મજબૂત થતું નથી. ચૂંટણીઓ ધર્મ અને જાતિના આધારે થવી જોઈએ નહીં.પણ મુદ્દાને આધારે રાજનીતિ થવી જોઈએ.
