દિવાળી / અક્ષરધામથી લઇને અયોધ્યા સુધી... ફોટોમાં જુઓ દિવાળીની પૂર્વસંધ્યાનો અદભૂત નજારો

• અક્ષરધામ મંદિરની છટા જોવા લાયક બની
• અયોધ્યામાં દરવખતે આ વખતે પણ દિવાળીમાં પૂરો ઉત્સાહ
• અમૃતસરનું સ્વર્ણ મંદિર દિવાળીની પૂર્વસંધ્યાએ સોનેરી રોશનીથી ઝગમગી ઉઠ્યું

દિવાળીની પૂર્વ સંધ્યાએ ગુજરાતના ગાંધીનગરમાં આવેલ અક્ષરધામ મંદિરની છટા જોવા લાયક બની રહી છે. સોનેરી લાઇટોથી જગમટી રહેલું આ મંદિર ખુબ જ મનોરમ દ્રશ્ય રજૂ કરી રહ્યું છે.

ભગવાન શ્રીરામની નગરી અયોધ્યામાં દરવખતે આ વખતે પણ દિવાળીમાં પૂરો ઉત્સાહ છે. આ વર્ષે તો રામ મંદિરનું નિર્માણ શરૂ થયું છે જેને લઇને ઉજવણી કંઇક ઓર જ છે. દિવાળીની પૂર્વસંધ્યાએ લોકોએ સરયૂ તટ પર એકત્ર થઇને દીવડા પ્રગટાવ્યા.

મધ્યપ્રદેશની રાજધાની ભોપાલમાં પણ લોકોએ દિવાળીની પૂર્વસંધ્યાએ દીવડા પ્રગટાવ્યા. સમગ્ર શહેર આ દરમિયાન રોશનીથી ઝગમગી ઉઠ્યું. માતા લક્ષ્મીની વિશાળ તસવીરના રૂપમાં રંગોલી બનાવવામાં આવી.

અમૃતસરનું સ્વર્ણ મંદિર પોતાના નામની જેમ જ દિવાળીની પૂર્વસંધ્યાએ સોનેરી રોશનીથી ઝગમગી રહેલું નજરે આવી રહ્યું છે. સમગ્ર મંદિર પરિસરને સજાવવામાં આવ્યું છે, જેની અદભૂત છટા જોવા મળી રહી છે.