હનુમાન જયંતિ 2023 / આજના દિવસે ઘરે અચૂકથી કરો આ પૂજા, દૂર થશે સાડાસાતી અને કુંડળીનો શનિ દોષ

• શનિ સંબંધિત કષ્ટો થશે દૂર 
• જાણો હનુમાન સાધનાના મહાઉપાય 
• શનિની ઢૈય્યા અને સાડેસાતી થશે દૂર 

આ વર્ષે હનુમાન જયંતિનો પાવન પર્વ 6 એપ્રિલ 2023 એટલે કે આજે છે. હિંદુ માન્યતાઓ અનુસાર જીવન સાથે જોડાયેલા કષ્ટો અને વિઘ્નોને દૂર કરવા માટે આ દિવસે હનુમાનજીનું ધ્યાન, તેમના સાથે જોડાયેલા મંત્રોનો જાપ અને વ્રત કરવામાં આવે છે. 

જ્યોતિષ અનુસાર નવગ્રહોમાં શનિ સંબંધિત દોષ અને તેનાથી થતા કષ્ટોને દૂર કરવા માટે હનુમત સાધના ખૂબ જ ફળદાયી માનવામાં આવે છે. જો તમે શનિની સાડેસાતી કે શનિની ઢૈય્યાથી પરેશાન છો તો તમને હનુમાન જયંતિના દિવસે અમુક ખાસ ઉપાય કરવાથી શુભ ફળ પ્રાપ્ત થશે. 

જો તમને કોઈ જરૂરી કાર્યમાં અડચણ અથવા વિઘ્ન આવી રહ્યા છો તો પણ આ ઉપાય તમારા માટે ફાયદાકારક છે. આવો હનુમાન જયંતિની પૂજા સાથે જોડાયેલા અમુક ખાસ ઉપાયો વિશે વિસ્તારથી જણાવીએ. 

કુંડળીનો શનિદોષ થશે દૂર 
ધાર્મિક માન્યતા અનુસાર શનિની સાડેસાતી અને ઢૈય્યા સાથે જોડાયેલા દોષોને દૂર કરવા માટે હનુમાનજીની પૂજા ખૂબ જ લાભકારી માનવામાં આવે છે. હિંદુ માન્યતાઓ અનુસાર આ દિવસે હનુમાનજીના મંદિરમાં જઈને સિંદુર અર્પિત કરવાથી કુંડળીમાં શનિ દોષ દૂર થઈ જાય છે. હનુમાનજીની પૂજાના ઉપાયને કરવા પર શનિ સંબંધી દરેક મુશ્કેલીઓ અને તમારા કાર્યોમાં આવનાર મુશ્કેલીઓ દૂર થઈ જાય છે. 

હનુમાનજીની પૂજા 
હિંદુ માન્યતાઓ અનુસાર શનિ સંબંધી દોષ અને તેનાથી થતા કષ્ટોથી બચવા માટે બજરંગબલીની પૂજા અને દર્શન કરવા ખૂબ જ શુભ અને ફળદાયી માનવામાં આવે છે. એવામાં હનુમાન જયંતિના દિવસે સવારે ઉઠીને ઘરેથી કોઈ નજીકના મંદિરમાં જઈને હનુમાનજીની વિધિ-વિધાનથી પૂજા અને દર્શન કરો. જો એવું સંભવ ન હોય તો ઘરના મંદિર કે પૂજા સ્થળ પર હનુમાનજીની મૂર્તિ કે તસવીર સ્થાપિત કરીને તેમની પૂજા કરો. 

શુદ્ધ ઘીનો દિવો 
ધાર્મિક માન્યતા અનુસાર શનિની સાડેસાતીથી બચવા માટે હનુમાન જયંતિના દિવસે હનુમાનજી સામે શુદ્ધ ઘીથી બનેલા દિવાથી આરતી કરવા પર પણ બજરંગી શનિ સંબંધી કષ્ટોને હરી લે છે. 

સાત વખત કરો હનુમાન ચાલીસાનો પાઠ 
કુંડળીમાં શનિ સાથે જોડાયેલા દોષને દૂર કરવા માટે હનુમાન જયંતિના દિવસે ખાસ કરીને હનુમાન ચાલીસાને સાત વખત અથવા બજરંગ બાણ, હનુમાન બાહુક, હનુમાનાષ્ટક અથવા સુંદરકાંડનો પાઠ એક વખત સંપૂર્ણ શ્રદ્ધા અને વિશ્વાસ સાથે કરો. 

લાલ રંગની ધજા
હનુમાનજીને લાલ રંગ ખૂબ જ પ્રિય છે. એવામાં બજરંગબલીને પ્રસન્ન કરવા માટે કુંડળીના શનિ દોષ દૂર કરવા માટે હનુમાન જયંતિ પર તેમને લાલ રંગના વસ્ત્ર અને લાલ રંગની ધજા જરૂર ચડાવો. માન્યતા છે કે પૂજાના આ ઉપાયને કરવાથી શનિ સાથે જોડાયેલા દોષ દૂર થઈ જાય છે.

બૂંદીનો ભોગ 
હનુમાનજીને બૂંદીનો ભોગ ખૂબ જ પ્રિય છે. માટે હનુમાન જયંતિના દિવસે તેમને ભોગમાં આ જરૂર અર્પિત કરો. હનુમાન જયંતિ પર બજરંગીનું વ્રત કરવાનું પણ ખૂબ જ વધારે મહત્વ હોય છે. માન્યતા છે કે આમ કરવાથી ભક્તની દરેક મનોકામના પુરી થઈ જાય છે સાથે જ કુંડળી સાથે જોડાયેલા દોષ પણ દૂર થાય છે.