હેર લોસ / માથા પરથી ગાયબ થઈ રહ્યાં છે વાળ? તો સમજો ટાલ પડવાની છે શરૂઆત, આ કારણો અને લક્ષણો જાણી લો

• આ લક્ષણો જણાય તો સમજો ટાલ પડવાની શરૂઆત છે
• ટાલિયાપણાને મેડિકલ ભાષામાં એલોપેસિયા પણ કહે છે
• આ કારણોથી આછાં થવા લાગે છે વાળ

જ્યારે વાળ ઝડપથી ખરવા લાગે અને તેની જગ્યાએ નવા વાળ ઉગવાની ગતિ ધીમી થઈ જાય તો તમારે સજાગ થઈ જવું જોઈએ. ટાલ પડવાની પેટર્નને સમજવી જરૂરી છે. તો જ તમે યોગ્ય ઉપચાર કરી શકશો. જાણો તેના લક્ષણો.

ટાલ પડવાના લક્ષણો

• આનુવંશિક કારણ અથવા વધતી ઉંમર
• કોઈ લાંબી બીમારી
• ગર્ભાવસ્થા
• મહિલાઓમાં હોર્મોનલ ચેન્જિસ
• વિટામિન બીની કમી
• કેન્સર કેમોથેરાપી
• ડિપ્રેશન
• પોષક તત્વોની કમી

ટાલના લક્ષણો

લોકોના સામાન્ય રીતે એક દિવસમાં લગભગ 100 વાળ ખરે છે. પણ તેની સામે વાળ ઝડપથી ઉગે પણ છે. પણ હેર ફોલિકલથી વાળ પાતળા ઉગવા લાગે અને વાળ ઝડપથી ખરવા લાગે તો ટાલ થવામાં વાર લાગતી નથી. 

વાળ પાતળા થઈને ખરવા લાગવા

આ વાળ ખરવાનો સામાન્ય લક્ષણ છે. જેમાં વાળ પાતળા થઈ જાય છે અને પછી આછાં થવા લાગે છે. 

સર્કુલર અથવા પેચમાં વાળ ગાયબ થવા

ઘણાં લોકોના માથાના વાળ સિક્કાના આકારમાં એટલે કે પેચમાં ગાયબ થવાનું શરૂ થઈ જાય છે. આ રીતે વાળ ખરવા ઘણીવાર દાઢી અને આઈબ્રોમાં પણ જોવા મળે છે. ઘણીવખત વાળ ખરતા પહેલાં ખુજલી અથવા દુખાવો પણ શરૂ થઈ જાય છે. 

અચાનક વાળ ખરવાના શરૂ થઈ જવા

ઘણી વખત ડિપ્રેશન અને સ્ટ્રેસને કારણે પણ વાળ નબળાં થઈ જાય છે અને કોમ્બ કરતી વખતે કે વાળ ધોતી વખતે વાળ ખરવા લાગે છે. 

સ્કેલ્પમાં ગેપ વધવો

વાળમાં કોઈપણ પ્રકારના સંક્રમણથી પણ વાળ ખસવા લાગે છે. જેમાં વાળમાં સોજો, લાલાશ, બળતરાને કારણે પણ આવું થઈ શકે છે.