ફિલ્મી કહાની / હીરો બનવા ખેડૂતે જમીન વેચી 35 લાખના ખર્ચે બનાવી ગુજરાતી ફિલ્મ, KGF આવી અને...

• એક હીરોની `ફિલ્મી કહાની'
• એક સપનું.. પુરુ કરવા જમીન વેચી 
• આ ભાઈએ તો પોતાની ફિલ્મ ઉતારી નાખી

થોડું હસવું પણ આવશે, થોડી મજા પણ આવશે, થોડું ચોંકાવનારું પણ લાગશે. કારણ કે, આવી ફિલ્મી સ્ટોરી તો ગુજરાતના ઈતિહાસમાં તમે ક્યારેય જોઈ પણ નહીં હોય અને સાંભળી પણ નહીં હોય. કારણ કે, અત્યાર સુધી તમે મોટા મા-બાપના હેન્ડસમ છોકરા-છોકરીઓને જ હીરો-હીરોઈન બનતા જોયા હશે. પરંતુ આજે એક હળ ચલાવતો ખેડૂત જમીન વેચીને હીરો બની ગયો. 

હળ ચલાવતો ખેડૂત.. ફિલ્મમાં છવાયો
તમે કાંઈપણ કહો ભાઈ. પણ આ ફિલ્મમાં ફૂલ મોજ, મસ્તી અને ધમાલ છે. કારણ કે, આવી ફિલ્મની કલ્પના તો તમે પણ નહીં કરી હોય કે, એક હળ ચલાવતો ખેડૂત હીરો બની જશે અને હેન્ડસમ અને સિક્સ પેક વાળા હીરોને ટક્કર આપશે.નામ તો સુના હી હોગા રઈજી ઠાકોર.ખેતરમાં પાવડો પછાડતો માણસ છે હીરો રઈજી ઠાકોર. જે બાપ-દાદાના વખતથી તો ખેતી કરે છે. પરંતુ બાળપણનું હીરો બનવાનું ભુત ફરી વળગ્યું અને ફિલ્મ બનાવી નાખી. 'પવિત્ર પ્રેમ પુકારે નદી કિનારે'નું ટ્રેલર પણ જોઈલો તમે...

`પ્રવિત્ર પ્રેમ' માટે.. લાખો ખર્ચી નાખ્યા
આ ફિલ્મમાં સ્ટોરી જે હોય તે પરંતુ મજા આ વાયરલ થયેલા ડાયલોગની છે. સોશિયલ મીડિયામાં પણ ખુબ 'પવિત્ર પ્રેમ પુકારે નદી કિનારે' ફિલ્મના ડાયલોગ ચર્ચામાં છે. સોશિયલ મીડિયામાં હાલમાં રઈજી ઠાકોરની કારણ કે, લોકો જોરશોરથી રમુજી કમેન્ટ કરી રહ્યા છે. અહીં ફિલ્મ ઉતરીને થિયેટર સુધી પણ પહોંચી ગઈ. પરંતુ થયું કે, એજ સમયે કેજીએફ ફિલ્મ આવી અને રઈજી ભાઈનો પવિત્ર પ્રેમ પરદા પરથી ઉતરી ગયો.સપનું તો બધાને હીરો બનવાનું હોય પરંતુ બધા બની નથી શક્તા. પરંતુ અહીં રઈજી ઠાકોરને તો જાણે વિક્રમ ઠાકોર બનવાનું ચાહટું લાગ્યું હોય તેવું લાગે છે. એટલે જ તો જમીન વેચી 35 લાખ ખર્ચી નાખ્યા.અહીં બીજી નવાઈ પમાડનારી વાત એ છે કે, લોકો આ ફિલ્મને સોશિયલ મીડિયામાં રમૂજ તરીકે લઈ રહ્યા છે. હાંસી ઉડાવી રહ્યા છે. જ્યારે રઈજી ઠાકોરના ભાઈ અને ગ્રામજનો હજૂ તેઓ ફિલ્મોમાં કામ કરે તેવું ઈચ્છી રહ્યા છે.

તમે તો આવી ફિલ્મ નથી ઉતારવા માગતાને..?
હવે બોવ થયું. હવે વખાણ કરી કરીને પેટમાં દુખે છે. કારણ કે, ભાઈ પૈસા આપીને એકવાર તો હીરો બની જવાઈ છે. પરંતુ ભાઈ આ હીરો બનવાના ચક્કરમાં ઝીરો બનતા પણ વાર નથી લાગતી. છતાં આ ભલા માણસને કોણ સમજાવે. કારણ કે, હજૂ કહે છે કે, મારે વધુ એક ફિલ્મ બનાવવી છે.ભાઈ જોવ.આ તો જમીન વેચીને ભાઈ હીરો બનવા નિકળ્યા 35 લાખ વાપર્યા. અને કેટલા પાછા આવ્યા એ નથી ખબર. અને જો બીજી ફિલ્મ બનાવવા ગયા તો બાકીના 15 લાખ બચ્યા હશે તે પણ જતા રહેશે.એટલે અમારી એક સલાહ છે કે, જો તમે પણ હીરો બનવા માગતા હોય તો જમીન વેચીને ન બનતા.. પૈસા હોય તો સારા ધંધામાં રોકજો.. બાકી મજૂરી કરવાના દાળા આવશે.