મર્ડર / અમેરિકામાં મૂળ મહેસાણાના આ ગામના વ્યક્તિની ગોળી મારીને કરાઇ હત્યા

• અમેરિકાના ફ્લોરિડામાં ગુજરાતીની હત્યા 
• વિસનગરના સેવાલીયા ગામના વતનીની ગોળી મારી હત્યા 
• સેવાલીયાના દિલીપ પટેલની લૂંટારુઓએ હત્યા કરી

અમેરિકામાં મોટા પ્રમાણમાં ગુજરાતીઓ વસવાટ કરે છે. સાથે અહીં વેપાર ધંધામાં પણ અગ્રેસર છે. તેવામાં અમેરિકામાં ગુજરાતીઓ પર હુમલાની ઘટનાઓ સામે આવતી રહે છે. ત્યારે આવી જ વધુ એક ઘટના ફ્લોરિડામાં બની છે.

મૂળ વિસનગરના સેવાલિયા ગામના અને હાલ અમેરિકાના ફ્લોરિડામાં વસવાટ કરતા દિલીપ પટેલની હત્યા કરી દેવામાં આવી છે. દિલીપ પટેલ ફ્લોરિડામાં સ્ટોર ચલાવતા હતા. આ દરમિયાન લૂંટારુઓએ સ્ટોરમાં ઘૂસી ગોળી મારી હત્યા કરી હતી. 

દિલીપ પટેલની હત્યાથી ફ્લોરિડામાં ચકચાર મચી ગઈ છે. પોલીસે સીસીટીવીના આધારે આરોપીની શોધખોળ શરૂ કરી છે. હાલ લૂંટના ઇરાદે લૂંટારૂઓએ હત્યા કરી હોવાનું માનવામાં આવી રહ્યું છે. દિલીપ પટેલની હત્યાના સમાચાર મળતાં સેવાલિયા ગામમાં શોકનું મોજું ફરી વળ્યું હતું.