લાલબત્તી / ખુદ બાળક જેવી બાળકીએ આપ્યો બાળકને જન્મઃ વારંવાર દુષ્કર્મનો ભોગ બનેલી સગીરાની કરૂણ કહાની

• ખેડામાં સગીરા સાથે દુષ્કર્મનો મામલો
• ડાકોરના CHC સગીરાએ દીકરીને આપ્યો જન્મ
• આણંદના અગાસ ગામમાં યુવકે અનેક વખત આચર્યુ હતુ દુષ્કર્મ

ખેડાની સગીરા સાથે દુષ્કર્મ મામલે પોલીસ ફરિયાદ થઈ છે. ત્યારે હવે ડાકોરના CHCમાં સગીરાએ દીકરીને જન્મ આપ્યો છે. હવે આ સગીરા અને તેની અવતરેલી દીકરીનું શું? ડાકોર પોલીસ આ મામલે તપાસ કરી રહી છે પણ આ મામલે તપાસ થશે એટલામાં તો સગીર માતા- દીકરી બંનેની ઉમંર વીતતી જશે. ત્યારે આવા કેસ ખરેખર ફટાફટ નિકાલ લાવવામાં આવે તેવી માંગ ઉઠી રહી છે. 

શું છે ઘટના

CHCમાં સગીરાની નોર્મલ ડિલીવરી થઈ છે. અગાઉ લગ્નની લાલચ આપીને વડતાલના યુવકે સગીરા પર દુષ્કર્મ આચર્યુ હતુ. અગાસ ગામમાં યુવકે સગીરા પર અનેક વખત દુષ્કર્મ આચર્યુ હતુ. ત્યારે હવે આ મામલે ડાકોર પોલીસ સ્ટેશનમાં શૂન્ય ફરિયાદ થઈ છે. ડાકોરમાંથી ફરિયાદ પેટલાદ રૂરલ પોલીસને ટ્રાન્સફર કરાઈ છે.