ગુજરાત પોલીસ કોન્સ્ટેબલ સુનીતા યાદવ છેલ્લા થોડા દિવસોથી ચર્ચામાં છે. રાજ્યકક્ષાના મંત્રીના દીકરાને લૉકડાઉનના ઉલ્લંઘન બદલ ફટકાર લગાવનારો તેમનો વીડિયો સોશિયલ મીડિયા પર વાયરલ થયો છે. પરંતુ હવે તેમના વિરૂદ્ધ તપાસ શરૂ થઇ ચૂકી છે, એક નહીં સુનિતા યાદવ વિરૂદ્ધ ત્રણ તપાસ શરૂ કરી દેવામાં આવી છે. જેને લઇને સોશિયલ મીડિયા પર લોકોનો ગુસ્સો ફાટી રહ્યો છે, લોકો ખુલીને સુનિતાની સાથે આવી રહ્યા છે.
સુનિતાને હાલ સુરક્ષા આપવામાં આવી
સોશિયલ મીડિયા પર સુનીતાના સમર્થનમાં લોકો
લોકો ખુલીને સુનિતાની સાથે આવી રહ્યા છે
ગુજરાતમાં લૉકડાઉનનો ભંગ કરવા બદલ મંત્રી કુમાર કાનાણીના પુત્ર પ્રકાશને ઝડપી લેનારા પોલીસ કોન્સ્ટેબલ સુનિતા યાદવની મુશ્કેલીઓ વધી ગઈ છે. તેની સામે વધુ બે મામલામાં તપાસના આદેશ અપાયા છે. અગાઉ તેની સામે તપાસ ચાલી રહી હતી. સુનિતા વિરુદ્ધ કુલ ત્રણ કેસમાં તપાસ કરવામાં આવી છે. જો કે, સુનિતા યાદવે દાવો કર્યો છે કે તેણે પહેલા જ પોતાના પદ પરથી રાજીનામું આપી દીધું છે.
સુનિતા પર આરોપ છે કે તે લોકોને રસ્તા પર બેસાડીને ઉઠક બેઠક કરાવતી હતી. આ મામલે તપાસ શરૂ કરવામાં આવી છે. બીજી તરફ, 9 જુલાઈથી સુનિતા પોતાની ફરજ પરથી ગાયબ હોવાનો પણ આરોપ છે. આ સિવાય મંત્રીના પુત્રને ઠપકો આપવા બદલ તેમની સામે પહેલેથી જ તપાસ ચાલી રહી છે.
સુનિતાને હાલ સુરક્ષા આપવામાં આવી
સહાયક પોલીસ કમિશનર જે.કે. પંડ્યા સુનિતા યાદવ વિરુદ્ધ ત્રણેય આરોપોની તપાસ કરી રહ્યા છે. આ દરમિયાન સુનિતાને જાનથી મારી નાંખવાની ધમકી મળવાને કારણે બે સશસ્ત્ર પોલીસકર્મી સુરક્ષા માટે તૈનાત કરાયા છે.
જોકે હાલ સોશિયલ મીડિયા પર તો તેમને પૂર્ણ સમર્થન મળી રહ્યું છે. સુનિતાના રાજીનામાં પર પણ સ્થિતિ સ્પષ્ટ નથી. તેમણે રાજીનામાંનો દાવો કર્યો છે. ત્યારે પોલીસ કમિશ્નરે કહ્યું કે, સુનિતાની પુછપરછ હજુ પણ ચાલી રહી છે. ટેકનિકલ રીતે તેઓ રાજીનામું ન આપી શકે.
સુનીતાના સમર્થનમાં લોકો
સુનિતા યાદવના સમર્થનમાં લોકો સતત સોશિયલ મીડિયા પર લખી રહ્યા છે. તમામનું કહેવું છે કે સુનિતા વિરૂદ્ધ એક્શન ખોટા છે. જોકે એક વર્ગ એવું પણ કહી રહ્યો છે કે સુનિતાનું વર્તન પણ અયોગ્ય હતું.