મંત્રણા / નવા CM ની પસંદગીને લઈને સી.આર. પાટિલના નિવાસસ્થાને થઈ બેઠક, આ મુદ્દે થઈ ચર્ચા  

સી.આર.પાટીલના નિવાસ સ્થાને દિગ્ગજ નેતાઓની હાજરી

ગુજરાતના નવા મુખ્યમંત્રી માટે મંથન
સી.આર.પાટીલના નિવાસ સ્થાને દિગ્ગજ નેતાઓની હાજરીમાં ચર્ચા થઈ રહી છે. ભાજપના દિગ્ગજ નેતાઓ બી.એલ.સંતોષ, ભૂપેન્દ્ર યાદવ, રત્નાકર, પ્રદિપસિંહ વાઘેલા સાથે ચર્ચા કચ્છના સાંસદ વિનોદ ચાવડા પણ ઉપસ્થિત રહ્યા હતા. 
આજે બપોરે તમામ ધારાસભ્યોને કમલમ હાજર થવા ફરમાન છે ત્યાર બાદ કોઈ એકનું નામ CM તરીકે જાહેર થશે. 

દિલ્હીથી આવેલા બે નિરિક્ષકો નામ પર મારશે મહોર

આજે વહેલી સવારથી બંને નિરીક્ષકો અમદાવાદ આવતા રાજકારણમાં ગરમાવો આવી ગયો છે ઉલ્લેખનીય છે કે આજે બપોરે 3 વાગ્યે ધારાસભ્યોની બેઠક મળવાની છે ત્યારે આ બેઠક બાદ બંને નિરીક્ષકો સત્તાવાર રીતે CMના નામની જાહેરાત કરી શકે છે એવું પણ મનાઈ રહ્યું છે અહીં ભાજપના કેન્દ્રિય નિરિક્ષકે નરેન્દ્રિસિંહ તોમરે કહ્યું કે અમે અહીં ગુજરાતના આગામી મુખ્યમંત્રીના નામ પર વધુ ચર્ચા કરવા માટે આવ્યા છીએ. અમે પ્રદેશ અધ્યક્ષ અને અન્ય નેતાઓ સાથે ચર્ચા કરીશું: કેન્દ્રીય મંત્રી અને ગુજરાત ભાજપના કેન્દ્રીય નિરીક્ષક નરેન્દ્રસિંહના તોમર આવું કહ્યા બાદ

પાટીદાર ચહેરો બનશે મુખ્યમંત્રી

ગુજરાતના મુખ્યમંત્રી વિજય રૂપાણીના એકાએક રાજીનામાં બાદ તેમના અનુગામી તરીકે કોણ આવશે ગુજરાતની ગાદીએ તેની ચર્ચા ચકડોળે ચઢી છે. જે નામ સામે આવી રહ્યા છે તેમાં એક સિવાય બધા જ પાટીદાર સમુદાયના છે. વિજય રૂપાણીના મુખ્યમંત્રી તરીકે નામ જાહેર થતા પહેલા ,નીતિન પટેલનું નામ સૌથી આગળ હતું. નીતિનભાઈ પોતાના કાર્યાલયથી કમલમ પહોચ્યા ત્યાં સુધી,નીતિન પટેલ જ મુખ્યમંત્રી છે તેવી ચર્ચાએ વેગ પકડ્યો હતો.પરંતુ અમિત શાહ સાથેની બેઠક બાદ, વિજય રુપાણીનું નામ ગુજરાતના મુખ્યમંત્રી તરીકે બહાર આવ્યું હતું. ભારતીય જનતા પાર્ટીમાં જેમના નામ ચર્ચાતા હોય છે તેઓ મોટા ભાગે પદ પામતા નથી હોતા તે સર્વ વિદિત છે.પણ આ વખતે આવું ના પણ થાય. આમ છતાં કેન્દ્રીયમંત્રી પરસોત્તમ રૂપાલા, કેન્દ્રીય મંત્રી મનસુખ માંડવીયા, અને રાજ્યના નાયબ મુખ્યમંત્રી નીતિન પટેલના નામ પ્રફુલ્લ પટેલ અને ગોવર્ધન ઝડફીયાના નામ વિજય રૂપાણીના અનુગામી તરીકે ચર્ચાઇ રહ્યા છે. અને તમામે તમામ ભાજપના મોટા પાટીદાર ચહેરા છે.

નાયબ મુખ્યમંત્રી નીતિન પટેલનું નામ આગળ ચાલી રહ્યું છે આ ઉપરાંત બે નાયબ મુખ્યમંત્રીની ફોર્મ્યૂલામાં OBC કે SC-ST નેતાનો સમાવેશ. 

ગુજરાતના પાટીદાર CM

• ગુજરાતમાં અત્યાર સુધી 4 પાટીદાર મુખ્યમંત્રી આવ્યા
• ચિમનભાઈ પટેલ, બાબુભાઈ પટેલ રહ્યા રાજ્યના મુખ્યમંત્રી
• કેશુભાઈ પટેલ અને આનંદીબહેન પટેલ પણ રહ્યા મુખ્યમંત્રી
• રાજ્યના મંત્રીમંડળમાં અનેક પાટીદારો છે મંત્રીઓ
• કેબિનેટ અને રાજ્ય કક્ષાના મંત્રીઓમાં સૌથી વધારે પાટીદારો