IPLIN
 

બઘડાટી અને સંતવાણી / ગુજરાતના 5 ડાયરાના VIDEO: સુરતમાં ભજનમાં ગાદલા-પાણીની બોટલો ઉછળી, કિંજલના ગીતમાં ખુરશી, તો ક્યાંક રૂપિયાનો વરસાદ

Team VTV 07:19 PM, 24 Apr 22
Follow us
Gujarat lok dayro surat varachha radhanpur kinjal dave

ગુજરાતમાં ડાયરાઓના આયોજનોમાં પૈસા ઉડતા હોય છે, પરંતુ રાધનપુર અને સુરતના ડાયરામાં ખુરશી, ગાદલા અને પાણીની બોટલો ઉછળી હતી. અસામાજિક તત્વોએ આ કૃત્યુ કર્યું છે.

  • સુરતના સાગવાડીમાં ડાયરામાં થયો હોબાળો
  • ગાદલા અને પાણીના બોટલો ઉછળી 
  • મામલો બગડતા ડાયરો બંધ કરાયો

સુરતના સરથાણામાં સાગવાડી ખાતે મુસ્કાન ફેમેલી ચેરીટેબલ ટ્રસ્ટે આયોજીત લોક ડાયરામાં હોબાળો થયો હતો. મામલો બગડતા ડાયરો બંધ કરાયો હતો. જ્યારે સ્ટેજ પર કેટલાક લોકો પૈસા ઉડાડતા હતા ત્યારે ડાયરામાં બેસેલા કેટલાક લોકોએ ગાદલા અને પાણીની બોટલો ઉછાળી હતી. અસામાજિક તત્વો દ્વારા માહોલ બગાડવાનો પ્રયાસ કરવામાં આવ્યો છે. ચાલુ ડાયરમાં ટ્રસ્ટી અને લોકો વચ્ચે બબાલ જેવો માહોલ જોવા મળ્યો હતો. મામલો બગડતા પોલીસ કંટ્રોલમાં ફોન કરવામાં આવ્યો હતો. બબાલના કારણે ચાલુ ડાયરો બંધ કરવામાં આવ્યો હતો. શ્રોતાઓની અણસમજણના કારણે આયોજકોને મુશ્કેલી વેઠવી પડી. અગાઉ પણ સુરતના વરાછા વિસ્તારના ડાયરામાં આવી ઘટના ઘટી ચૂકી છે. મહેમાનોની વચ્ચે આવી ઘટના શોભા આપે છે ? સંતવાણીના આરાધકમાં દુઃખની લાગણી ફેલાઈ છે.

રાધનપુરમાં કિંજલ દવેના ડાયરામાં ખુરશીઓ ઉછળતા અફરાતફરી મચી ગઇ, વીડિયો સોશિયલ મીડિયામાં વાયરલ

પાટણના રાધનપુર હિંમત વિદ્યાનગર અમર જ્યોત એજ્યુકેશન ટ્રસ્ટ સંચાલિત જે ડાયરાનું આયોજન કરાયું હતું. જેમાં ડાયરામાં એકાએક કેટલાંક અસામાજીક તત્વોએ હોબાળો મચાવ્યો હતો. કિંજલ દવેનો ડાયરો સાંભળવા માટે આવેલા લોકોએ ચાલુ ડાયરે ધમાલ મચાવી હતી. અચાનક જ ડાયરામાં બબાલ થતાં કેટલાંક અસામાજીક તત્વોએ જાહેરમાં ખુરશીઓ ઉછાળી હતી. જેનો વીડિયો પણ સોશિયલ મીડિયામાં વાયરલ થયો હતો. તેઓએ ડાયરાની મજા બગાડવાની કોશિશ કરી હતી.

હિંમતનગરના ઝાલા નગરમાં રાજભા ગઢવીના લોકડાયરામાં પૈસાનો વરસાદ

બીજી બાજુ સાબરકાંઠાના હિંમતનગરના ઝાલા નગરમાં રાજભા ગઢવીનો લોકડાયરો યોજાયો હતો. જેમાં પૈસાનો વરસાદ કરાયો હતો. રાજભા ગઢવીના લોકડાયરામાં લોકોએ પૈસાનો વરસાદ કર્યો હતો. ખોડિયાર માતાજીના પ્રથમ પાટોત્સવમાં લોકડાયરો યોજાયો હતો. રાજભા ગઢવીના લોકડાયરામાં લોકોએ લાખો રૂપિયાનો વરસાદ કર્યો હતો. જેનો વીડિયો પણ સોશિયલ મીડિયામાં વાયરલ થયો છે.

કુતિયાણાના MLA કાંધલ જાડેજાએ કલાકારો પર ઉડાવ્યા પૈસા 

પૈસાનો વરસાદ થતો હોય તેવી તસ્વીરો ફરીવાર સૌરાષ્ટ્રથી સામે આવી છે. પોરબંદરના રાણાવાવ ખાતે ડાયરાના આયોજનમાં પૈસાનો વરસાદ કરવામાં આવ્યો હતો.  આ વખતે ડાયરામાં કલાકારો પર પૈસાનો વરસાદ કરનાર કોઈ સામાન્ય નાગરિક નહી પણ ખૂદ ધારાસભ્ય હતા. કુતુયાણાના ધારાસભ્ય કાંધલ જાડેજાએ ડાયરામાં કલાકારો પર નોટોનો વરસાદ વરસાવ્યો હતો. કાંધલ જાડેજાએ નોટોનો વરસાદ કલાકાર કિર્તિદાન ગઢવી અને દેવરાજ ગઢવી પર વરસાવ્યો હતો. ઉલ્લેખનીય છે કે, ઈન્ટરનેશનલ મહેર સુપ્રીમ કાઉન્સિંલ દ્વારા પોરબંદરના રાણાવાવ ખાતે ડાયરાનુ આયોજન કરવામાં આવ્યુ હતુ.

ભાજપ નેતા પબુભા માણેકનો ડાયરામાં પૈસા ઉડાવતો વીડિયો વાયરલ

જામનગર કચ્છી ભાનુશાળી મહાજન સમાજના સંતવાણી કાર્યક્રમ આયોજન દરમિયાન ભાજપ નેતા પબુભા માણેકનો ડાયરામાં પૈસા ઉડાવતો વીડિયો વાયરલ થયો છે. કાર્યક્રમમાં પબુભા માણેક પર નોટોનો વરસાદ થયો છે. કાર્યક્રમમાં પબુભા માણેક પણ નોટોનો વરસાદ કરતા નજરે ચડ્યા હતા.

gujarat lok dayro surat ગુજરાત લોકડાયરો સુરત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ