અમદાવાદ / ગુજરાત હાઈકોર્ટનો મોટો આદેશ, રક્ષા શક્તિ યુનિવર્સિટીના પ્રવેશ પ્રકિયાને મામલે તિરસ્કારની અરજી ફગાવી 

• રક્ષા શક્તિ યુનિવર્સિટીના પ્રવેશ પ્રક્રિયા મામલો
• કોર્ટના તિરસ્કારની અરજી HCએ ફગાવી
• 2020-21માં પ્રવેશ પ્રક્રિયાનો થયો હતો વિવાદ
• કોર્ટના હુકમનો પ્રવેશ પ્રક્રિયમાં નહોતો થયો અમલ

રક્ષા શક્તિ યુનિવર્સિટીને તાજેતરમાં  પ્રવેશ કાર્યવાહી બાબતે કોર્ટના આદેશનું પાલન ન કરતા તે બાબતે નોટીસ પાઠવવામાં આવી છે. જેને ગુજરાત હાઈકોર્ટે કોર્ટના હુકમની અવમાનના મૂદ્દે થયેલી અરજી  ફગાવી દીધી હતી.

હુકમના અવમાનના મુદ્દે થયેલી અરજી ફગાવી

ગુજરાત હાઇકોર્ટે અવલોકન કર્યું હતું કે, લોક સભા-રાજ્ય સભાએ 2020માં રાષ્ટ્રીય રક્ષાશક્તિ યુનિ.એક્ટ મંજુર કર્યો છે. કોર્ટે જણાવ્યું કે, સંસદીય પગલાંથી રક્ષા શક્તિ યુનિવર્સીટીનું સ્ટેટ્સ બદલાયું છે. આમ જે અરજી ટકવાપાત્ર ન રહેતા કોર્ટે અરજી ફગાવી હતી. હાઈકોર્ટે જણાવ્યું કે, સંસદીય પગલાં બાદ રક્ષા શક્તિ યુનિવર્સિટી હવે રાષ્ટ્રીય રક્ષા શક્તિ યુનિવર્સિટી છે. ઉલ્લ્ખેનીય છે કે, સેન્ટ્રલાઈઝ એડમિશન પ્રોસેસથી પ્રવેશ પ્રક્રિયા હાથ ધરવાનો કોર્ટનો હુકમ હતો

શુ છે સમગ્ર મામલો ?

કેસની વિગત જોઈએ તો, વર્ષ 2018 માં અરજદાર દ્વારા ગુજરાત હાઇકોર્ટમાં રક્ષા શક્તિ યુનિવર્સિટીની પ્રવેશ કાર્યવાહીને ગુજરાત હાઇકોર્ટમાં પડકારવામાં આવી હતી. આ કેસના અરજદારના વકીલ જણાવ્યું હતું કે, ગુજરાત હાઈકોર્ટે એપ્રિલ 2018 ના બી.ટેક અને એમ.ટેકની પ્રવેશ કાર્યવાહી એકીસાથે ACPC દ્વારા કરવામાં આવે તેવો હુકમ કર્યો હતો. પરંતુ શૈક્ષણિક વર્ષ 2020 - 21માં રક્ષા શક્તિ યુનિવર્સિટી દ્વારા જાતે જ એડમિશન પ્રક્રિયા હાથ ધરી હતી. જેથી રક્ષા શક્તિ યુનિવર્સિટીને નોટિસ પણ પાઠવવામાં આવી હતી અને હાઇકોર્ટમાં આ દેશમાં તિરસ્કારની અરજી કરવામાં આવી હતી કે આ મામલે પણ કોર્ટે નોટિસ પાઠવી છે.