ઠંડીનો ચમકારો / ગુજરાતમાં કડકડતી ઠંડીની શરૂઆતઃ હવામાન વિભાગે આ વિસ્તારમાં 2 દિવસ કોલ્ડવેવની કરી આગાહી

• રાજ્યમાં વહેલી સવારે હાડ થીજવતી ઠંડી
• શિયાળાની શરૂઆતમાં કડકડતી ઠંડીનો અહેસાસ
• શિયાળાને લઇને હવામાન વિભાગની આગાહી
• કચ્છમાં આગામી 2 દિવસ રહેશે કોલ્ડ વેવ 

શિયાળાની શરૂઆત થતાં રાજ્યમાં ઠંડીની શરૂઆત થઇ ગઇ છે. આજે  વહેલી સવારે હાડ થીજવતી ઠંડીનો અનુભવ થયો. અમદાવાદમાં  16 ડિગ્રી, વડોદરામાં 19 ડિગ્રી તાપમાન નોંધાયું છે. તો રાજકોટમાં 15 ડિગ્રી, સુરતમાં 20 ડિગ્રી અને ડિસામાં 15 ડિગ્રી, નલિયામાં 12 ડિગ્રી, ઈડરમાં 16 ડિગ્રી, પાટણમાં 15 ડિગ્રી તપામાન નોંધાયું છે.

પાલનપુરમાં પણ તાપમાનનો પારો ગગડતાં પાલનપુર શહેરનું તાપમાન  15 ડિગ્રી, દાહોદનુ્ં તાપમાન 17 ડિગ્રી નોંધાયું છે.જૂનાગઢમાં 16 ડિગ્રી, પાવાગઢમાં 15 ડિગ્રી તાપમાન નોંધાયું છે.અંબાજીમાં 13 ડિગ્રી, માઉન્ટ આબુમાં તાપમાનનો પારો ગગડતાં 9 ડિગ્રી તાપમાન નોંધાયું છે.
 

કચ્છમાં 2 દિવસ રહેશે કોલ્ડ વેવ

શિયાળીની શરૂઆત થતાં રાજ્યામં ધીરે ધીરે ઠંડીનું પ્રમાણ વધી રહ્યું છે.અમદાવાદ, ગાંધીનગર, વડોદરા, રાજકોટ સહિતના શહેરમાં સવારે લોકો ઠંડીનો અનુભવ કરી રહ્યાં છે.

હવામાન વિભાગે આગામી 2 દિવસ કચ્છમાં કોલ્ડ વેવની આગાહી કરી છે. ઠંડી વધતા મોર્નિગ વોકર્સની સંખ્યામાં વધારો થયો છે. હાલ કોરોનાના કારણે લોકો જીમના બદલે મોર્નિંગ વોકને વધુ પસંદ કરે છે.a