'સુદામા નગરી' પોરબંદર પર કોણ સંભાળશે સત્તાનું સુકાન? જાણો કેવી છે રાજકીય રસાકસી
પોરબંદરમાં જનમત માટે જનતાના દ્વારે પહોંચ્યું VTV
મતદારો છે ચૂંટણીને લઈને ઉત્સુક
પોરબંદર-કુતિયાણામાં જામશે રસાકસી
ગુજરાત ચુંટણીને લઇ પોરબંદરમાં હાલ ખરાખરીનો જંગ ખેલાઈ રહ્યો છે. ત્યારે પોરબંદર અને કાંધલ જાડેજાની કુતિયાણા બેઠકમાં આ ચુંટણીમાં હવાફેર થશે કે કાંધલ જાડેજાના નામની આંધી યથાવત રહેશે, તે જાણવા માટે વીટીવીની જનમત એક્સપ્રેસ રાષ્ટ્રપિતાની ભૂમિ એવા પોરબંદરના લોકોનો જનમત જાણવા માટે પહોચી હતી. મહત્વનું છે કે કુતિયાણા બેઠકમાં 2007 પછી ક્યારેય ભાજપ કે કોંગ્રેસને જીત મળી નથી. તેવામાં અપક્ષમાંથી ઉભતા કાંધલનું પલડું કેટલું ભારે તે જણવાનો પ્રયાસ કરાયો હતો.જ્યાં સૌથી પહેલા પોરબંદર વિધાનસભાના પાંચડેરા ગામે ધરતીપુત્રોનો જનમત જાણવાનો પ્રયાસ કરવામાં આવ્યો હતો.
પોરબંદર-કુતિયાણામાં જામશે રસાકસી
આ દરમિયાન ખેડૂતોએ પોતાની વ્યાથા વ્યકત કરી જણાવ્યું હતું કે એક બાજુ મોંઘવારીએ માજા મૂકી છે. બીજી બાજુ બિયારણ અને દવાઑના ભાવ આસમાને હોવાથી ખેતીમાં દિવસ રાત એક કરી પરશેવો પાડવા છતાં પૂરતું વળતર મળતું નથી. જેને લઇને મુશ્કેલી વધી રહી છે. ખેડૂતો અને મજૂરોને જીવવુ મુશ્કેલી બની ગયું હોવાનું સ્થાનિકોએ જણાવ્યું હતું. વધુમાં રોષ વ્યક્ત કરીને જણાવ્યું કે નેતાઑ જાહેરાત કર્યા બાદ સહાય ચૂકવવામાં વિલંબ કરે છે. વધુમાં પોરબંદરમાં રોજગારી, રોડ-રસ્તા અને ગટરની સમસ્યા આજે પણ અકબંધ હોવાનું ભાવપરા, વડાળા, પોરબંદર, પોરબંદરના દરિયા કિનાર, કુતિયાણા વિધાનસભાના રાણાવાવના લોકોએ જણાવ્યું હતું.