ગઈકાલે દિલ્હીના નાયબ મુખ્યપ્રધાન મનિષ સિસોદિયાએ અમદાવાદમાં રેલી યોજી હતી. તો આજે રાજકોટ રોડ-શો યોજ્યો હતો.
રાજકોટ સ્થાનિક સ્વરાજની ચૂંટણીને લઈ AAP મેદાનમાં
દિલ્લીના DyCM મનીષ સિસોદીયાનો રાજકોટમાં રોડ-શો
રાજકોટ મનપાની તમામ 72 બેઠકો પર લડી રહી છે AAP
ગુજરાતની સ્થાનિક સ્વરાજની ચૂંટણીમાં હવે ભાજપ-કોંગ્રેસ સિવાય આમ આદમી પણ પોતાનું જોર લગાવી રહી છે. ગઈકાલે દિલ્હીના નાયબ મુખ્યપ્રધાન મનિષ સિસોદિયાએ અમદાવાદમાં રેલી યોજી હતી. તો આજે રાજકોટ રોડ-શો યોજ્યો હતો. જેમાં મોટી સંખ્યામાં આપના કાર્યકરો બાઈકના માધ્યમથી જોડાયા હતા. રાજકોટ મનપાની તમામ 72 બેઠકો પર AAP લડી રહી છે. તો અમદાવાદના 48 વોર્ડની તમામ 192 બેઠક પર પોતાના ઉમેદવાર ઉતાર્યા છે.
તો આ તરફ ભરૂચમાં છોટુ વસાવાની પાર્ટી BTP સાથે ગઠબંધન કરીને ઓવૈસીએ સભાને સંબોધન કર્યું હતું. મહત્વનું છે કે, હૈદરાબાદના સાંસદ ઔવેસી પણ ગુજરાતની મુલાકાતે છે. ગઈકાલે સુરત એરપોર્ટ પર મહેશ વસાવા દ્વારા તેનું સ્વાગત કરવામાં આવ્યું હતું. ત્યારે ગુજરાત સ્થાનિક સ્વરાજની ચૂંટણીમાં ભાજપ-કોંગ્રેસ સિવાયની પાર્ટીઓ પણ પોતાનું જોર અજમાવી રહી છે. પરંતુ સમગ્ર ચિત્ર તો, પરિણામની જાહેરાત બાદ જ સ્પષ્ટ થશે.