ગુજરાતમાં કોરોનાના કહેરને લઇને લોકડાઉન જાહેર કરવામાં આવ્યું છે. આ સાથે લોકડાઉન 17 મે સુધી લંબાવી પણ દેવામાં આવ્યું છે. લોકડાઉન 3.0 માં કેન્દ્ર સરકારની ગાઇડલાઇન મુજબ થોડી છૂટછાટ આપવામાં આવી છે, પરંતુ શૈક્ષણિક કાર્યોથી લઇને સ્કૂલ-કોલેજ કોઇપણ ઝોનમાં બંધ રાખવાની તાકિદ કરવામાં આવી છે. તેમ છતાં રાજ્યના રાજકોટ જિલ્લાના લોધિકાના પારડી ગામે કેન્દ્ર સરકારની ગાઇડલાઇન હોવા છતાં ખુલ્લેઆમ ભંગ થતો જોવા મળ્યો. જેમાં લોધિકાના પારડી ગામે પ્રાથમિક શાળા શરૂ કરવામાં આવી.
રાજકોટ જિલ્લામાં લોકડાઉનના ઉડ્યા લીરેલીરા
લોધિકાના પારડી ગામે પ્રાથમિક શાળા કરાઇ શરૂ
પ્રાથમિક શાળામાં ધો. 1 થી 8ના વિદ્યાર્થીઓને બોલાવાયા
પ્રાપ્ત મળતી વિગત અનુસાર રાજ્યના રાજકોટ જિલ્લામાં લોકડાઉનના લીરેલીરાં ઉડતા જોવા મળ્યાં. જેમાં કેન્દ્ર સહિત રાજ્ય સરકારના નિયમોનો સરેઆમ ભંગ કરવામાં આવ્યો. જિલ્લાના લોધિકાના પારડી ગામે પ્રાથમિક શાળા શરૂ કરાઇ હોવાનું જોવા મળ્યું.
લોધિકાના પારડી ગામે વેકેશન હોવા છતાં સરકારી પ્રાથમિક શાળા શરૂ કરવામાં આવી. એટલું જ નહીં પ્રાથમિક શાળામાં ધોરણ 1 થી 8ના વિદ્યાર્થીઓને બોલાવામાં આવ્યાં. આમ સરકારના નિયમોનું ઉલ્લંઘન તો કર્યું પણ કોરોનાને લઇને સ્કૂલના તંત્રને બાળકો પણ જરા પણ દયા ન આવી.
એક બાજુ રાજ્યમાં કોરોનાનો કહેર જોવા મળી રહ્યો છે ત્યારે સરકાર દ્વારા નાના બાળકો તેમજ વડીલોને ઘરની બહાર ન નીકળવા માટે અપીલ કરી રહી છે. ત્યારે બીજી તરફ લોધિકાના પારડી ગામે 100 જેટલા વિદ્યાર્થીઓને શાળામાં બોલાવામાં આવ્યાં.
જો કે હાલ આ વીડિયો સામે આવતાં સ્કૂલ તંત્ર દ્વારા તમામ વિદ્યાર્થીઓને રજા આપી દેવામાં આવી. આ અંગે જ્યારે શાળાના શિક્ષકો અને આચર્યને પૂછવામાં આવ્યું ત્યારે તેઓએ મૌન સેવી લીધુ. જો કે પેપર માટે બોલાવ્યાં હોવાનું શાળાના સંચાલકો દ્વારા એક જ રટણ કરવામાં આવી રહ્યું હતું.
સળગતાં સવાલ
લોકડાઉનમાં પણ કેમ શરૂ કરાઇ શળા?
વેકેશન છતાં કેમ શરૂ કરાઇ સરકારી પ્રાથમિક શાળા?
મહામારીમાં વિદ્યાર્થીને જોખમમાં કેમ મુકો છો ?
એકસાથે 100 જેટલા વિદ્યાર્થીઓને કેમ બોલાવાયા?
વીડિયો સામે આવ્યા બાદ વિદ્યાર્થીઓને કેમ આપી દીધી રજા?