BIG NEWS / કોંગ્રેસે ભાજપની દુઃખતી નસ દબાવી : ચૂંટણી માટે 3 નવા વચનોની કરી જાહેરાત

• કોંગ્રેસે ભાજપની દુઃખતી નસ દબાવી
• ગુજરાત કોંગ્રેસે નવા 3 વચનોની કરી જાહેરાત
• 2003માં રદ્દ થયેલ જૂની પેંશન યોજના ફરી શરુ કરાશે 

આ વખતે ગુજરાતમાં ત્રણ પક્ષો મેદાને છે. એક તરફ AAP તરફથી કેજરીવાલ ગેરંટીઓ પર ગેરંટીઓ આપી ગુજરાતની જનતા માટે લહાણીનો વરસાદ કરી રહ્યા છે તો બીજી તરફ કોંગ્રેસ પણ મોટા વચનો આપી મતદારોને પડખે કરવાના પ્રયાસ કરી છે. 

કયા 3 વચનો કોંગ્રેસે જનતાને આપ્યા?
ત્યારે ગુજરાત કોંગ્રેસની પત્રકાર પરિષદ યોજી અન્ય ત્રણ ચૂંટણીલક્ષી વચનોની જાહેરાત કરી છે. જેમાં ગુજરાતના સરકારી કર્મચારીઓના સળગતા મુદ્દા પર કૉંગ્રેસે ભાજપને ઘેરવા મોટા વચનો આપ્યા છે. જેમાં , 2003માં રદ્દ થયેલ જૂની પેંશન યોજના ફરી શરુ કરાશે, ઇન્દિરા રસોઈ યોજના હેઠળ રૂપિયા 8 માં જમવાનું મળશે, મનરેગાની જેમ શહેરી વિસ્તારમાં રોજગારની ગેરેન્ટી પણ આપવામાં આવી છે.આ  પત્રકાર પરિષદમાં કોંગ્રેસ પ્રમુખ જગદીશ ઠાકોર, પ્રભારી રઘુ શર્મા, અર્જુન મોઢવાડીયા અને અમિત ચાવડા પણ હાજર હતા. 

AICC in-Charge શ્રી @RaghusharmaINC જી ની વિશેષ પત્રકાર પરિષદ https://t.co/EBynzTD4sy

— Gujarat Congress (@INCGujarat) September 19, 2022

કોંગ્રેસે વચન પત્ર તૈયાર કર્યું
મહત્વનું છે કે આ પહેલા પણ રાહુલ ગાંધીને ગુજરાતની જનતા માટે 8 મોટા વચનો આપ્યા હતા. જેને લોકો સુધી લઈ જવા રાહુલ ગાંધીએ કરેલી આઠ જાહેરાતનું કોંગ્રેસે વચન પત્ર તૈયાર કર્યું છે. કોંગ્રેસ એક કરોડ થી દોઢ કરોડ વંચન પત્રો આપશે. વંચન પત્ર માટે કોંગ્રેસ પક્ષે નંબર પણ જાહેર કર્યો છે. 8108125125 મિસકોલ કરી રજીસ્ટ્રેશન કરાશે. એક કરોડ ઘરમાં પરિવાર દિઠ એક વંચન પત્ર આપવામાં આવશે. આગામી 24,25 અને 26 સપ્ટેમ્બરના રોજ કોંગ્રેસ ઘર ઘર સુધી જશે.આદિવાસીઓ માટે ઇન્દિરા વંચન પત્ર તૈયાર કરવામાં આવ્યું છે. 

રાહુલ ગાંધીએ ગુજરાત પ્રવાસ દરમિયાન આપ્યા હતા વચનો

• તમામ નાગરિકોને 10 લાખ સુધી મફત સારવાર, વિનામૂલ્યે દવાઓ
• ગુજરાતના ખેડૂતોનું 3 લાખ રૂપિયા સુધીનું દેવું માફ કરાશે
• 300 યુનિટ સુધી વીજળી મફત
• બેરોજગાર યુવાનો માટે 10 લાખ સરકારી નોકરીની ભરતી
• બેરોજગાર યુવાનોને 3000 રૂપિયા બેરોજગારી ભથ્થું આપીશું
• 50 ટકા નોકરીઓ પર મહિલાઓનો અધિકાર રહેશે
• સરકારી નોકરીઓમાં કોન્ટ્રાક્ટ પદ્ધતિ સંપૂર્ણ નાબૂદ થશે
• દૂધ ઉત્પાદકોને પ્રત્યેક લીટર પર 5 રૂ.ની સબસીડી અપાશે
• ગુજરાતમાં 500 રૂ.માં રાંધણ ગેસનો બાટલો અપાશે
• છેલ્લા 27 વર્ષમાં થયેલા તમામ ભ્રષ્ટાચારો વિરૂદ્ધ કાયદો લવાશે
• ગુનેગારો અને ભ્રષ્ટાચારીઓને જેલમાં મોકલાશે
• 3000 અંગ્રેજી માધ્યમની સરકારી શાળાઓ બનાવાશે
• દીકરીઓ માટે KGથી PG સુધીની શિક્ષા સંપૂર્ણ મફત આપવામાં આવશે
• કોરોના મૃતકના પરિવારજનોને 4 લાખ રૂપિયા વળતર આપશે