APMC મુદ્દે વિપક્ષ દ્વારા મોટા આક્ષેપો કરવામાં આવી રહ્યા છે. વિપક્ષે આક્ષેપ લગાવ્યો છે કે સરકાર સહકારી ક્ષેત્રને તોડી પાડવાના પ્રયાસો કરી રહ્યુ છે.
રાજ્યમાં નવી APMCની મંજૂરી મુદ્દે વિપક્ષનો પ્રશ્ન
છેલ્લા 2 વર્ષમાં એક પણ સહકારી APMCને મંજૂરી નથી અપાઈ
2 ખાનગી APMCને મંજૂરી આપવામાં આવી છે
રાજ્યમાં નવી APMCની મંજૂરી મુદ્દે વિપક્ષે ભાજપ સરકાર પર પ્રહાર કર્યા છે. છેલ્લા 2 વર્ષમાં એક પણ સહકારી APMCને મંજૂરી આપવામાં આવી નથી. અને 2 ખાનગી APMCને મંજૂરી આપી છે.
વિપક્ષે રાજ્ય સરકાર પર આક્ષેપ કરતા કહ્યું કે સરકાર સહકારી ક્ષેત્રને તોડવાનો પ્રયાસ કરી રહી છે. સરકાર ખાનગી APMC ખુલે તેવા પ્રયાસ કરી રહી છે. જેથી ભવિષ્યમાં ખેડૂતોને મોટુ આર્થિક નુકસાન થશે. ખાનગી APMC ભાજપના ધારાસભ્યની હોવાની પણ ચર્ચાઓ વહેતી થઈ છે.
વહાલા દવલાની નીતિ
સૂત્રો દ્વારા જાણવા મળ્યુ છે કે, APMC મલાઈદાર સેક્ટર હોવાથી અહીં કંઈકને કંઈક રંધાઈ રહ્યુ છે. APMCના કંઈ કેટલાય સ્કેન્ડલ સામે આવતા રહે છે ત્યાર વળી એક વખત સરકારની ખાનગી અને સહકારી APMC મામલે વહાલા દવલાની નીતિની વાતો વહેતી થઈ છે.