રાજકોટમાં યોગ દિવસમાં અનોખી રીતે ઉજવણી કરવામાં આવી. શહેરમાં અલગ અલગ 5 સ્વિમિંગ પુલમાં મહિલાઓએ મળીને એકવા યોગ કર્યા હતા. મહિલાઓએ સ્વિમિંગ પુલમાં અંદર જઈને યોગ કર્યા. આ દરમિયાન 853 જેટલી મહિલાઓ જોડાઈ હતી.
આ તરફ ભાવનગરમાં યોગ દિવસમાં અનોખી રીતે ઉજવણી કરવામાં આવી. વિશ્વ યોગ દિને પાણીની અંદર યોગની વિવિધ મુદ્રાઓ કરીને યોગ દિવસની ઉજવણી કરી. જેમાં ભુમાસન, બધ્ધ પદ્માસન,અર્ધઅન્દ્રાર્સન, પાડ હ્સ્તાસન જેવા આસનો પાણીની અંદર કર્યા. જમીન પર અને પાણીની અંદર યોગ કરવું. આમ ચેલેન્જીગ ગણાવી શકાય છે.
કેમ કે તેમાં શ્વસનક્રિયાનું પણ ખુબ મહત્વ હોય છે. આ વિશ્વ યોગ દિવસે તેમણે કંઇક અલગ કરવાનો પ્રયાસ કર્યો છે. અમદાવાદમાં વિશ્વ યોગ દિવસની ઉજવણી કરવામાં આવી છે. સિદી સૈયદ ઝાળી ખાતે બાળકોએ યોગ કરીને યોગ દિવસની ઉજવણી કરી છે. ગીર સોમનાથ ખાતે આવેલ સોમનાથ મંદિરે યોગ દિવસની ઉજવણી કરાઇ.
જેમાં રાષ્ટ્રીય કક્ષાએ રમત-ગમત વિભાગમાં ઉત્તીર્ણ ખેલાડીઓને સન્માનીત કરાયાં. સુરતમાં પણ વિશ્વ યોગ દિવસની ઉજવણી કરવામાં આવી છે. સુરત જિલ્લાના અલગ અલગ 3334 સ્થળોએ યોગ દિવસની ઉજવણી કરવાનું આયોજન કરવામાં આવ્યું. સુરતમાં યોગ ફોર હાર્ટની થીમ પર ઉજવણી કરવામાં આવી.
કચ્છમાં યોગ દિવસની BSFના જવાનોએ ઉજવણી કરી. કચ્છની બોર્ડર પર તૈનાત જવાનોએ યોગ કરીને ઉજવણી કરી હતી. જ્યારે બીજી તરફ પોરબંદરમાં કોસ્ટગાર્ડના હેડક્વાર્ટર નંબર 1માં યોગ દિવસની ઉજવણી કરાઈ. કોસ્ટગાર્ડના જવાનોએ પોતાના પરિવારજનો સાથે યોગા કર્યા હતા. કોસ્ટગાર્ડના DIG ઈકબાલસિંહ ચૌહાણ પણ ઉજવણીમાં જોડાયા.