કોંગ્રેસે જાહેર કરેલ સ્ટીંગને લઇને હાર્દિક પટેલે પણ જંપલાવ્યું હતું. એક પત્રકાર પરિષદને સંબોધન કરતા તેણે જણાવ્યું હતું કે, કોંગ્રેસે જાહેર કરેલા સ્ટિંગ ઓપરેશનને લઇને ભાજપ સામે પગલા લેવાવા જોઇએ. તો તેણે એમપણ કહ્યું હતું કે, ભાજપે કોળી સમાજનું અપમાન કર્યું છે.
દોષિતો સામે કાર્યવાહી થવી જોઇએ
ભાજપે કોળી સમાજનું અપમાન કર્યું છે
સોમા પટેલ ભાજપમાંથી ટિકિટનો દાવો કરતા હતા
હાર્દિક પટેલે વધુમાં જણાવ્યું કે, સોમા પટેલ ભાજપમાંથી ટિકિટનો દાવો કરતા હતા અને અમે લીંબડી બેઠક માટે સોમા પટેલની રાહ જોઇ હતી. ઉલ્લેખનીય છે કે, સોમા પટેલના વાયરલ થયેલા વીડિયોને પગલે ગુજરાતના રાજકારણમાં ખળભળાટ મચી જવા પામ્યો છે.
કોંગ્રેસે જાહેર કર્યો વીડિયો
કોંગ્રેસે આજે પત્રકાર પરિષદ યોજીને એક વીડિયો જાહેર કર્યો છે જેમાં ધારાસભ્ય સોમાપટેલનો વીડિયો વાયરલ થયો છે. પક્ષપલટો અને સોદાબાજીનું રાજકારણ ઉઘાડુ પડી ગયુ છે.
ગુજરાત વિધાનસભાની ચૂંટણીને આડે હવે ગણતરીના દિવસ બાકી છે આજે પ્રચારનો છેલ્લો દિવસ છે ત્યારે કોંગ્રેસે એક વીડિયો ખુલ્લો મુક્યો છે જેમાં પક્ષપલટાનું અને ચૂંટણી જીતવા પૈસા આપી ધારાસભ્યો અને ખરીદવાનું રાજકારણ ઉઘાડુ પડી ગયું છે.
પક્ષપલટાને લઈને કોંગ્રેસનો મોટો ખુલાસો સામે આવ્યો છે. કોંગ્રેસે ભાજપ દ્વારા થયેલી સોદાબાજીનો વીડિયો જાહેર કર્યો છે. કોંગ્રેસના સભ્યોને પૈસા અને પદની લાલચ આપીને ખરીદાયા હોવાનું અમિત ચાવડા કહ્યું હતુ એટલું જ નહીં પરંતુ વીડિયો મારફતે કરોડો રૂપિયા આપ્યા તેનો ખુલાસો થયો છે. વીડિયોમાં સોમા પટેલ ભાજપ સાથે ડીલની કરી રહ્યા છે. CM અને અમિત શાહે કેટલાકને પૈસા તો કેટલાકને સત્તાની લાલચ આપી ખરીદ્યા છે. રાજીનામા આપવા માટે નાણાંના વ્યવહાર મુદ્દે ચર્ચા કરવામાં આવી રહી છે. પૈસા આપી ભાજપે ધારાસભ્યોને રાજીનામા અપાવ્યા છે. એટલું જ નહીં રૂપાણી,પાટીલ અને અમિત શાહના નામનો વીડિયોમાં ઉલ્લેખ છે.
અમિત ચાવડાએ કરી તપાસની માંગ
વીડિયોમાં જેમના નામનો ઉલ્લેખ છે તેમની સામે તપાસ કરવાની કોંગ્રેસ દ્વારા માંગ કરવામાં આવી રહી છે. મની લોન્ડરિંગનો કેસ દાખલ કરી તપાસ થાય તેવી કોંગ્રેસ માંગ કરી રહ્યું છે. ભાજપે ધારાસભ્યો ખરીદ્યા એટલે ચૂંટણી આવી અને કોરોનાકાળમાં ચૂંટણી ભાજપના કારણે યોજાઈ રહી છે.
કોંગ્રેસના આક્ષેપો સામે ભાજપે કર્યો ખુલાસો
કોંગ્રેસના આક્ષેપો સામે સીઆર પાટીલની પત્રકાર પરિષદ યોજી હતી જેમાં તેમણે જણાવ્યું હતું કે, કોંગ્રેસના આક્ષેપો પાયાવિહોણાં છે. વાયરલ કરેલા આ વીડિયોમાં સોમા પટેલનો ચહેરો દેખાતો નથી તેથી કોંગ્રેસ સોમા પટેલનો ચહેરો દેખાઇ તે વીડિયો રજૂ કરે. પાટીલે વધુમાં જણાવ્યું હતું કે, મેં પૈસાની ઓફર કરી એવો ઉલ્લેખ વીડિયોમાં નથી
ઉલ્લેખનીય છે કે, પાટીલે પોતાની અને સોમા પટેલની મિત્રતાને લઇને જણાવ્યું હતું કે, હું 2009થી સંસદ છું અને સોમાભાઇ સંસદ છે એટલે મિત્ર છે. તો તેમણે એમપણ કહ્યું કે, લેવડદેવડમાં મારા નામનો ઉલ્લેખ નથી કર્યો અને કોંગ્રેસ અધ્યક્ષે લોકોને ભ્રમિત કરવા આક્ષેપ કર્યા છે.
પાટીલે કોંગ્રેસ પર કર્યા આકરા પ્રહાર
પાટીલે કોંગ્રેસ પર આકરા પ્રહાર કરતા જણાવ્યું હતું કે, કોગ્રેસે લોકોને ગેરમાર્ગે દોરવાનો પ્રયાસ કર્યો છે, તો સોમા પટેલ વિશે જણાવ્યું હતું કે, તેમણે 15 માર્ચે રાજીનામું આપ્યું હતું અને રાજીનામું આપ્યું તે સમયે હું પ્રદેશ અધ્યક્ષની જવાબદારીમાં ન હતો.
અર્જૂન મોઢવાડિયા ગુજરાતના દિગ્ગીરાજા ગણાવ્યા
કોંગ્રેસ પ્રદેશ અધ્યક્ષ અમિત ચાવડા પર આક્ષેપ કરતા જણાવ્યું હતું કે, તેમણે જનતાની માફી માગવી જોઇએ કારણ કે મારું નામ ખોટી રીતે આપ્યું છે. તો આ તરફ પાટીલે અર્જૂન મોઢવાડિયા ગુજરાતના દિગ્ગીરાજા ગણાવ્યા હતા.