રાજ્યમાં યોજાનાર વિધાનસભા બેઠકની પેટા ચૂંટણીના પ્રચારનો આજે અંતિમ દિવસે છે. ત્યારે કોંગ્રેસમાંથી રાજ્યસભાની ચૂંટણી વખતે રાજીનામું આપેલા વિધાનસભાના ધારાસભ્યોને કારણે આ આઠ બેઠકો પર ચૂંટણી યોજાઈ રહી છે. હવે આ મુદ્દે કોંગ્રેસે સનસનીખેસ વીડિયો જાહેર કર્યો છે જે મુદ્દે જીતુ ચૌધરીએ આ આરોપો ફગાવ્યા હતા.
લીમડીના પૂર્વ ધારાસભ્ય સોમા ગાંડાના સ્ટિંગનો મામલો
જીતુચૌધરીએ કોંગ્રેસે કરેલા આક્ષેપોને ફગાવ્યા
અત્યારે જે આક્ષેપો થઈ રહ્યા છે એ છેલ્લા તબક્કા નો સ્ટંટ છે-જીતુ ચૌધરી
રાજ્યમાં યોજાનાર વિધાનસભા બેઠકની પેટા ચૂંટણીના પ્રચારનો આજે અંતિમ દિવસે છે. ત્યારે પ્રચારના અંતિમ દિવસે કોંગ્રેસ દ્વારા પેટા ચૂંટણીમાં જીતવા માટે અંતિમ પ્રયાસોના ભાગરૂપે લીંબડીના પૂર્વ ધારાસભ્ય સોમાભાઈ નું એક સ્ટીંગ ઓપરેશન જાહેર કરી અને સોમાભાઈ સહિત કોંગ્રેસના જે આઠ ધારાસભ્યો કોંગ્રેસ છોડીને ભાજપમાં જોડાયા છે. તેમને ભાજપ દ્વારા આર્થિક પ્રલોભન આપી અને ખરીદવામાં આવ્યા હોવાનો કોંગ્રેસે સનસનીખેજ આક્ષેપ કર્યો.છે.
સોમાભાઈ ના નામથી જાહેર થયેલા સ્ટિંગ ઓપરેશન દ્વારા કોંગ્રેસ ભાજપ પર પ્રચારના અંતિમ દિવસે અંતિમ પ્રયાસ અને આક્ષેપો કર્યા છે.. જેને લઇને રાજ્ય નું રાજકારણ ગરમાયુ છે.. ત્યારે વલસાડ જિલ્લાના કપરાડા વિધાનસભા બેઠકના ભાજપના ઉમેદવાર જીતુભાઈ ચૌધરી એ કોંગ્રેસ દ્વારા થયેલા આક્ષેપોનો વળતો જવાબ આપ્યો હતો. જીતુ ચૌધરીએ જણાવ્યું હતું કે પ્રચારના અંતિમ દિવસે પણ કોંગ્રેસ પાસે કોઈ મુદ્દા નહીં હોવાથી તેઓએ ખોટા આક્ષેપો કર્યા છે. અને પ્રચારનો અન્ય કોઈ મુદ્દો નહીં હોવાથી છેલ્લી ઘડીએ આક્ષેપ કરી અને લોકોનું ધ્યાન ભટકાવવા પ્રયાસ કરે છે. આમ પ્રચારના અંતિમ દિવસે કોંગ્રેસના આક્ષેપોને કારણે રાજકીય માહોલ ગરમાયો છે.