અબડાસા વિધાનસભાની પેટા ચૂંટણી માટે પ્રચાર પૂર જોશમાં ચાલી રહ્યો છે ત્યારે આજે મુખ્યમંત્રી વિજય રૂપાણીએ પ્રચાર શરૂ કર્યો છે.
જાહેરસભામાં CM રૂપાણીએ પ્રજાને કર્યા વાયદા
કચ્છનો સવાયો વિકાસ થશે એ મારી જવાબદારી
તમે મતદાન કરો, પછીના દિવસોમાં અમે કામ કરીશું
જાહેરસભામાં CM રૂપાણીએ પ્રજાને ઘણા વાયદા કર્યા છે. કચ્છનો સવાયો વિકાસ થશે એ મારી જવાબદારી છે. તમે મતદાન કરો, પછીના દિવસોમાં અમે કામ કરીશું.
પ્રદ્યુમનસિંહ જાડેજાએ ક્યારેય રાજકારણ નથી કર્યું. પ્રદ્યુમનસિંહ હંમેશા પ્રજાના પ્રશ્નો લઈ અમારી પાસે આવતા રહ્યા છે. ભાજપ સરકાર ગરીબો માટે કામ કરે છે. મુશ્કેલીના સમયે કોંગ્રેસના નેતા રિસોર્ટમાં જલશા કરતા હતા. દરિયાનું ખારૂ પાણી મીઠુ કરવા કચ્છમાં પ્રોજેક્ટ બનશે
મુખ્યમંત્રીએ કોંગ્રેસ પ્રમુખ અમિત ચાવડા પર પ્રહાર કર્યા હતા. કોંગ્રેસ તુટી રહી છે. તેમણે કહ્યું હતુ કે અમિત ચાવડાની કાર્યપદ્ધતિથી ધારાસભ્યો નારાજ હતા. નારાજ ધારાસભ્યો કોંગ્રેસ છોડીને ભાજપમાં જોડાયા છે. ખેડૂતોને હવે દિવસે વીજળી મળશે. ભૂકંપ પછી કચ્છના વિકાસમાં સરકાર કટિબદ્ધ છે. કોંગ્રેસે 70 વર્ષથી નર્મદા યોજના પુરી ન કરી શકે જે ભાજપે પૂરી કરી.
ભાજપ અને કોંગ્રેસના ઉમેદવારોનું લિસ્ટ
બેઠક
ભાજપના ઉમેદવાર
કોંગ્રેસના ઉમેદવાર
અબડાસા
પ્રદ્યુમનસિંહ જાડેજા
ડો.શાંતિલાલ સંઘાણી
મોરબી
બ્રિજેશ મેરજા
જયંતીલાલ પટેલ
ધારી
જે.વી. કાકડિયા
સુરેશ કોટડિયા
કરજણ
અક્ષય પટેલ
કિરીટસિંહ જાડેજા
ગઢડા
આત્મરામ પરમાર
મોહનલાલ સોલંકી
કપરાડા
જિતુ ચૌધરી
બાબુભાઈ વરઠા
ડાંગ
વિજય પટેલ
સૂર્યકાંત ગામિત
લીંબડી
કિરીટસિંહ રાણા
ચેતન ખાચર
ગુજરાત વિધાનસભાની પેટાચૂંટણીની તારીખ જાહેર
8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.
કઇ બેઠકો પર યોજાશે ચૂંટણી
રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.