પેટાચૂંટણી / કોરોના મહામારીના સંકટ વચ્ચે ધારીના ભાજપના ઉમેદવાર જે.વી.કાકડિયાએ યોજ્યો જમણવાર

• જનતા માટે નિયમોની વણઝાર કરતી સરકારના નેતાઓ જ નથી પાળતા નિયમો
• ધારીના ભાજપના ઉમેદવાર જે.વી.કાકડિયાએ યોજ્યો જમણવાર
• કોરોનાકાળમાં પણ નેતાઓ નથી લઈ રહ્યા સુધરવાનું નામ

જનતા માટે નિયમોની વણઝાર કરતી સરકારના નેતાઓ જ નિયમો નથી પાળતા. ધારીના ભાજપના ઉમેદવાર જે.વી.કાકડિયાએ જમણવાર યોજ્યો હતો. કોરોનાકાળમાં પણ નેતાઓ સુધરવાનું નામ નથી લઈ રહ્યા. 

ધારીના ભાજપના ઉમેદવાર જે.વી.કાકડિયાએ યોજ્યો જમણવાર

સુરતમાં જે.વી.કાકડિયાએ મોટી સંખ્યામાં લોકો એકઠા કરીને  જમણવાર યોજ્યો છે. કાકડિયાએ ભાજપની સભા યોજી અને તેમાં જ જમણવાર પણ યોજ્યો હતો. નવરાત્રી સહિતના તહેવારોમાં પ્રતિબંધ વચ્ચે લાંબી લાઇનો લાગી છે. સભા બાદ જમણવારના કાર્યક્રમમાં સામાજિક અંતરનો ભંગ થયો હતો. 

ગુજરાત વિધાનસભાની પેટાચૂંટણીની તારીખ જાહેર

8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.

કઇ બેઠકો પર યોજાશે ચૂંટણી

રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.

8 MLAએ રાજીનામાં આપતા યોજાશે પેટાચૂંટણી

8 બેઠકો પર ધારાસભ્યોએ રાજીનામાં આપતા પેટાચૂંટણી યોજાશે. અબડાસાથી પ્રદ્યુમનસિંહ જાડેજા, મોરબીમાંથી બ્રિજેશ મેરજા, કપરાડામાંથી અક્ષય પટેલ, ગઢડામાંથી પ્રવીણ મારૂ, ધારીમાંથી જે.વી કાકડીયા, કપરાડામાંથી જિતુ ચૌધરી, ડાંગમાંથી મંગળ ગાવિત અને લીંબડીમાંથી સોમા પટેલનું રાજીનામું પડ્યું હતું.