જાહેરાત / સશક્ત મહિલા સુપોષિત ગુજરાત અભિયાન : મહિલા અને બાળ વિકાસ માટે રૂપિયા 3511 કરોડની જોગવાઈ

• નાણામંત્રી નીતિન પટેલે રજૂ કર્યું બજેટ
• મહિલા અને બાળ વિકાસને લઈને કરી જાહેરાત
• 3511 કરોડની 2021-22ના બજેટમાં કરાઇ જોગવાઇ

ગુજરાત વિધાનસભામાં રાજ્યના નાયબ મુખ્યમંત્રી અને નાણામંત્રી નીતિન પટેલે વિધાનસભામાં મહિલા અને બાળ વિકાસ માટે રૂપિયા 3511 કરોડની જોગવાઇ કરવામાં આવી હોવાની વાત કરી હતી.

53 હજાર આંગણવાડીઓ ચલાવાઇ રહી છે 

નીતિન પટેલે કહ્યું કે 53 હજાર આંગણવાડીઓ ચલાવવામાં આવી રહી છે. 60 લાખ કરતા વધુ બાળકો, સગર્ભા, મહિલાઓને લાભ મળે છે. પૂરક પોષણ અને આરોગ્ય શિક્ષણનો પણ લાભ મળે છે. 

 પૂરક પોષણ યોજના માટે રૂપિયા 939 કરોડની જોગવાઇ

જેમાં પૂરક પોષણ યોજના માટે રૂપિયા 939 કરોડની જોગવાઇ કરવામાં આવી છે અને ગંગા સ્વરૂપા આર્થિક સહાય માટે રૂપિયા 700 કરોડની જોગવાઇ કરાઇ છે...8 લાખ કરતા વધુ વિધવા મહિલાઓને લાભ મળે છે. તેમજ પૂર્ણા યોજના અંતર્ગત રૂપિયા 220 કરોડની જોગવાઇ કરવામાં આવી છે.

બજેટ રજૂ કરતાં પહેલા કોરોનાકાળમાં સરકારે કરેલા કામોના કર્યા વખાણ 

ગુજરાતના બજેટને રજૂ કરતાં પહેલા નીતિન પટેલે આજે કોરોનાકાળમાંઆ ગુજરાત સરકારે કરેલા કામ ગણાવ્યા હતા. નીતિન પટેલે કહ્યું કે રાજ્યના બધા જ જિલ્લાઑમાં વ્યવસથા ઊભી કરવામાં આવી. તેમણે કહ્યું કે કેટલાક રાજ્યોમાં તંબુઑ બાંધવા પડ્યા અને સ્ટેડિયમમાં દર્દીઑ રાખવા પડ્યા હતા પરંતુ ગુજરાતમાં ખૂબ મોટી વ્યવસ્થા ઊભી કરવામાં આવી અને તે બદલ વિજય રૂપાણીનો આભાર માનું છું. આવું સુંદર આયોજન આખા ભારતમાં માત્ર ગુજરાતમાં થયું છે. નીતિન પટેલે કહ્યું કે વડાપ્રધાન મોદીએ સતત માર્ગદર્શન આપ્યું હતું અને તેમાં તેમણે આયુર્વેદિક દવાઓ પર ભાર મૂક્યો હતો અને તે માટે અમે કરોડો લોકોને ઇમ્યુનિટી માટે પડીકી અને ઉકાળા આપ્યા. 

ઇતિહાસનું સૌથી મોટું બજેટ 

નાણામંત્રી નીતિન પટેલે 2021-22નું રજૂ કર્યું છે તે ઇતિહાસનું સૌથી મોટું બજેટ છે. નીતિન પટેલે કુલ 2 લાખ 27 હજાર 29 કરોડનું બજેટ રજૂ કર્યું છે જેમાં કૃષિ વિભાગ માટે 27 હજાર 232 કરોડ અને શિક્ષણ વિભાગ માટે 32 હજાર 719 કરોડની જોગવાઈ કરવામાં આવી છે. સાથે આરોગ્ય અને પરિવાર કલ્યાણ માટે 11 હજાર 323 કરોડ તથા મહિલા અને બાળ વિકાસ વિભાગ માટે 3 હજાર 511 કરોડ ની જોગવાઈ કરવામાં આવી છે.