તૈયારી / ભાજપ પ્રદેશ પ્રમુખ સી આર પાટીલ આવતી કાલથી સૌરાષ્ટ્રની મુલાકાતે, પેટા ચૂંટણીનું ફુંકશે રણશિંગુ!

• સી.આર.પાટીલ 4 દિવસનો સૌરાષ્ટ્ર પ્રવાસ કરશે 
• 19થી 22 ઓગસ્ટ સુધી સી આર પાટીલ સૌરાષ્ટ્રના પ્રવાસે 
• 19 ઓગસ્ટે સોમનાથથી સૌરાષ્ટ્ર પ્રવાસની શરૂઆત

હાલ વરસાદના કારણે રાજ્યના વાતાવરણમાં ઠંડક જોવા મળી રહી છે ત્યારે રાજકારણમાં ગરમાવો જોવા મળી રહ્યો તેવું લાગી રહ્યું છે. ભાજપ દ્વારા આગામી વિધાનસભાની પેટાચૂંટણીને લઇને તૈયારીઓ શરૂ કરવામાં આવી રહી હોય તેવું દેખાઇ રહ્યું છે. 

ભાજપના પ્રદેશ પ્રમુખ સી. આર. પાટીલ આવતીકાલથી 4 દિવસના સૌરાષ્ટ્ર પ્રવાસે છે. પાટીલ 19 ઓગસ્ટે સોમનાથ મહાદેવના દર્શન કરી પ્રવાસની શરૂઆત કરશે. આમ ભાજપ પ્રદેશ પ્રમુખ 5 જેટલા ધાર્મિક સ્થળોની મુલાકાત લેશે. 

સી. આર. પાટિલ સૌરાષ્ટ્રમાં ખોડલધામ, સિદસર, ઉમિયાધામની પણ મુલાકાત લેશે. આ સાથે પ્રદેશ પ્રમુખ 20 ઓગસ્ટે જૂનાગઢ જિલ્લા ભાજપ સંગઠનની બેઠકમાં હાજર રહે તેવી શક્યતા છે. આ સાથે રાજકોટ ખાતે સી. આર. પાટીલનું ભવ્ય સ્વાગત કરવામાં આવશે. 

આ સાથે ભાજપ પ્રદેશ પ્રમુખ 21 ઓગસ્ટે રાજકોટના હોદ્દેદારો સાથે બેઠક કરશે. જ્યારે 22મી ઓગસ્ટના રોજ ચોટીલા, ઝાંઝરકા, સવઘણ મંદિરે દર્શન કરશે.