રાજનીતિ / ભાજપના નેતાની દાદાગીરી: સંબધીને છોડાવવા પોલીસને આપી વરદી ઉતરાવી દેવાની ધમકી

• વડોદરાના ઠગ બિલ્ડર અરેષ પ્રજાપતિની ધરપકડનો મામલો 
• ભાજપના નેતાએ પોલીસ સ્ટેશનમાં કરી દાદાગીરી
• દલસુખ પ્રજાપતિ સામે સ્ટેશનમાં નોંધાઈ ફરિયાદ 
• આરોપી અરેષ પ્રજાપતિ દલસુખ પ્રજાપતિનો છે સંબંધી

વડોદરાના ઠગ બિલ્ડર અરેષ પ્રજાપતિની પોલીસે ધરપકડ કરતા ભાજપના નેતાએ પોલીસ સ્ટેશનમાં દાદાગીરી કરી હતી. આરોપી બિલ્ડરને બચાવવા માટે ભાજપના નેતા દલસુખ પ્રજાપતિ મેદાને આવ્યા છે.

પોલીસને પણ આપી ધમકી

આરોપીને બચાવવા માટે દલસુખ પ્રજાપતિએ પોલીસ સબ ઈન્સપેક્ટરને ધમકી પણ આપી હતી.PSIને વર્ધી ઉતારવાની નેતાએ ધમકી આપી હતી.

આરોપીની ધરપકડથી  મામલો ગરમાયો

મળતી માહિતી મુજબ ઠગ બિલ્ડરની ભાજપના નેતા દલસુખ પ્રજાપતિનો સંબંધી છે. પોલીસે આરોપી બિલ્ડરની ધરપકડ કરતા નેતા પોલીસ સ્ટેશનમાં પહોંચ્યા હતા. અને પોલીસ કર્મીઓ સાથે દાદાગીરી કરતા ફરિયાદ થઈ.

સળગતા સવાલ 

• બિલ્ડરની ધરપકડ થતા નેતા કેમ મેદાને આવ્યા?
• આરોપીને બચાવનાર સામે ફરિયાદ કરીને કાર્યવાહી કેમ નહી?
• પોલીસ કાર્યવાહી નહી કરે તો લોકોને ન્યાય કોણ અપાવશે?
• બિલ્ડરોની દાદાગીરી સામે નેતાઓને મેદાને આવવાની શું જરૂર છે?
• ભાજપના નેતા આરોપીઓને કેમ સાચવે છે?
• નેતાના સંબંધી હોવાથી પોલીસ ફરિયાદથી બચી શકાશે?
• આ પ્રકારના નેતા સામે પક્ષ કેમ કાર્યવાહી કરતુ નથી?
• પોલીસને ધમકી આપનાર નેતા સામે કાર્યવાહી કેમ નહી?
• PSI જેવા અધિકારીને નેતા કેમ ધમકી આપે છે?