ધરપકડ / ગુજરાત ATSને મળી મોટી સફળતા, 175 કરોડના ડ્રગ્સનો મુખ્ય આરોપી દિલ્હીથી ઝડપાયો

• ગુજરાત ATSને મળી મોટી સફળતા
• 175 કરોડના હેરોઇન-ડ્રગ્સ મામલે સફળતા
• આરોપી સાહિદ સુમરાની ધરપકડ

ગુજરાત ATSને 175 કરોડના હેરોઇન-ડ્રગ્સ મામલે મોટી સફળતા મળી છે, કચ્છના દરિયામાંથી ઝડપાયેલાં 175 કરોડનાં હેરોઇન કેસમાં સંડોવાયેલા આરોપીને ATSએ દિલ્હીથી ધરપકડ કરી લીધી છે. 

175 કરોડના હેરોઇન-ડ્રગ્સ મામલે મોટી સફળતા

હેરોઈન-ડ્રગ્સ કેસમા ફરાર મુખ્ય આરોપી સાહિદ કાસમ સુમરાની ગુજરાત ATS દ્વારા ધરપકડ કરી લેવામાં આવી છે. સાહિદ દુબઇથી દિલ્હી એરપોર્ટ પર ઉતરતા જ તેને દબોચી લેવામાં આવ્યો હતો. 

દુબઇથી દિલ્લી એરપોર્ટ ઉતરતા જ ATSએ ઝડપ્યો

આ આરોપીનું મુખ્ય કામ હતું કે, પાકિસ્તાનથી ભારતનાં વિવિધ વિસ્તારોમાં ડ્રગ્સ ગેર કાયદેસર ઘુસાડવું. આ આરોપી મુખ્ય કચ્છનો જ રહેવાસી છે. ગુજરાત એટીએસને બાતમી મળી હતી કે, સાહિદ સુમરા દુબઇથી દિલ્હી આવવાનો છે. જેથી ગુજરાત એટીએસની એક ટીમે દિલ્હી એરપોર્ટ પરથી આરોપીને ઝડપી પાડ્યો હતો.

નાર્કોટિક્સના ગુનાના આરોપી સાહિદ સુમરાની ધરપકડ

મહત્વનું છે કે જાન્યુઆરી મહિનામાં ગુજરાત એટીએસ અને કોસ્ટગાર્ડે મધદરિયે મોટું આ ઓપરેશન પાર પાડી જખૌથી દરિયામાંથી ડ્રગ્સ ભરેલી પાકિસ્તાની બોટ ઝડપી પાડી હતી જે ભારતીય જળ સીમામાં ઘૂસાડવામાં આવતી હતી.

ગુજરાત ATS ને 175 કરોડના હેરોઇન-ડ્રગ્સ મામલે સફળતા

સુરક્ષા એજન્સીઓએ સંમગ્ર ઓપરેશન પાડ પાડ્યું હતું. બોટમાં રાખેલા હેરોઈનના એક કિલોગ્રામના એક એવા 35 પેકેટ કબજે કરવામાં આવ્યા હતા. આ જથ્થાની આંતરરાષ્ટ્રીય બજાર કિંમત 175 કરોડ રૂપિયા આંકવામાં આવી હતી.

અગાઉ 5 પાકિસ્તાની નાગરિકો ઝડપાયા હતા

બોટનો કબજો કરીને જખૌ કોસ્ટગાર્ડ મથકે લાવવામાં આવી હતી. ત્યારે બોટમાંથી પાંચ પાકિસ્તાની શખ્સો ઝડપાયા હતા. પરતું મુખ્ય આરોપી ફરાર હતો જેને ગુજરાત એટીએસ દ્વારા દિલ્હીથી ઝડપી લેવામાં આવ્યો છે.