રાજકોટ / CMના હોમટાઉનમાં કાયદાના લીરા ઉડ્યા, યુવાનને ભાજપના MLAના સાગરિતો દ્વારા મારી નાખવાની ધમકી

• રાજકોટમાં ફરી વિવાદમાં MLA અરવિંદ રૈયાણી
• હત્યાની ફરિયાદ પરત લેવાનું દબાણનો આરોપ
• વીડિયો બનાવી તબીબે કરી ફરિયાદ

ભાજપના ધારાસભ્ય અરવિંદ રૈયાણી ફરી એક વખત વિવાદમાં આવ્યા છે. અરવિંદ રૈયાણી અને તેમના ભાઇ સુરેશ રૈયાણી પર હત્યાના ગુનામાં ફરિયાદ પરત ખેંચવા દબાણ કરતા હોવાનો આક્ષેપ કરાયો છે. 

કોણ છે વિજય ગોસ્વામી?

વિજય ગોસ્વામી નામના તબીબે એક વીડિયો બનાવી અને અરવિંદ રૈયાણી સહિત 5 લોકોથી જીવનું જોખમ હોવાનો આરોપ લગાવ્યો. વિજય ગોસ્વામી મનોજ ગોસ્વામીના ભાઇ છે.

શું છે ઘટના?

મનોજ ગોસ્વામી પર 2016માં હુમલો થયો હતો. જેમાં સારવાર દરમિયાન તેમનું મોત નિપજ્યું હતું. ત્યારે આ કેસને લઇ વિજય ગોસ્વામી પર ફરિયાદ પરત લેવા દબાણ કરાઇ રહ્યું. વીડિયોમાં વિજય ગોસ્વામી કહે છે કે ભાજપના ધારાસભ્ય અરવિંદ રૈયાણી અને તેમના ભાઇ સુરેશ રૈયાણી એ લોકોના ફૂલ સપોર્ટમાં છે. અને મને બોલાવીને કહે છે કે અથવા તું સમાધાન કરી દે મહેશ ડોબરીયા, જયમીન ડોબરીયા અને કનુ ડોબરીયા વિરુદ્ધ અથવા તો તને મારી નાખીશું.