મેડિકલો કોલેજ મનમાની કરી રહી છે અને 22 જેટલી કોલેજોમાં 5000થી વધુ વિદ્યાર્થીઓના ભવિષ્ય પર તલવાર લટકી રહી છે ત્યારે જાણો DYCM નીતિન પટેલે શું કહ્યું
22 મેડિકલ કોલેજના વિદ્યાર્થીઓનું ભાવિ ડામાડોળ
5 હજાર વિદ્યાર્થીઓને અભ્યાસ છોડવો તેવી સ્થિતિ
કોલેજો ફી માટે ઉઘરાણી કરતી હોવાનો આક્ષેપ
રાજ્યની 22 મેડિકલ કોલેજના વિદ્યાર્થીઓનું ભાવિ ફી ને લઈને બગડે તેવી હાલત થઈ છે. એમબીબીએસની ફી અંગે સરકાર વિચારણાં નહિ કરે તો 22 ખાનગી મેડિકલ કોલેજોમાં 14 હજારથી વધુ વિદ્યાર્થીઓ ભણે છે 5 હજાર વિદ્યાર્થીઓને અભ્યાસ છોડવો પડે તેવી સ્થિતિ સર્જાઈ છે. રાજ્યની 22 કોલેજના મેડિકલ સ્ટુડન્ટના ભાવિ પર લટકતી તલવાર છે.
લોકડાઉન દરમિયાન કોલેજની એક પણ ફેસેલિટીનો ઉપયોગ ના કર્યો હોવા છતાં કોલેજ તરફથી ફી માંગવામાં આવતી હોવાનો વિદ્યાર્થીઓએ આક્ષેપ કર્યો છે. આ સમગ્ર મામલે વિદ્યાર્થીઓએ નાયબ મુખ્યમંત્રી નીતિન પટેલને રજૂઆત કરી છે. ત્યારે વિદ્યાર્થીઓની રજૂઆતને પગલે નાયબ મુખ્યમંત્રીએ વિચારણાં કરવાની બાંહેધરી આપી છે. ફી અંગે પરિપત્ર જાહેર કરીને સપ્ટેમ્પર સુધીમાં વિદ્યાર્થીઓને ફી ભરી દેવાનું કહેવામાં આવતા વિદ્યાર્થીઓ અને વાલીઓમાં ચિંતાનું મોજુ ફરી વળ્યુ છે.
કોરોનાને પગલે તમામ કોલેજો ચાર મહિનાથી બંધ છે ત્યારે મેડિકલ-ડેન્ટલ કોલેજો પણ બંધ છે અને શિક્ષણકાર્ય થતુ ન હોવાથી ઊંચી ફી ભરનારા વિદ્યાર્થીઓ-વાલીઓએ હવે ફી ઘટાડાની માંગ સાથે આંદોલન શરૂ કર્યુ છે.
ગુજરાત મેડિકલ સ્ટુડન્ટસ એસોસિએશનની ફી ઘટાડાની માંગ
ગુજરાત મેડિકલ સ્ટુડન્ટસ એસોસિએશન દ્વારા ખાનગી મેડિકલ કોલેજોની ફી ઘટાડવા માટે માંગ કરવામા આવી છે. મેડિકલ સ્ટુડન્ટ એસોસિએશનની ફરિયાદ છે કે હાલની કોવિડ-19ની મહામારીને ધ્યાનમા રાખી સેલ્ફ ફાઈનાન્સ મેડિકલ કોલેજોમાં ભણતા વિદ્યાર્થીઓ માટે ફી ઓછી કરીને હાલનું ફી માળખુ બદલી નવુ ફી માળખુ જાહેર કરવુ જોઈએ.
22 ખાનગી મેડિકલ કોલેજોમાં 14 હજારથી વધુ વિદ્યાર્થીઓ ભણે છે
22 ખાનગી મેડિકલ કોલેજોમાં 14 હજારથી વધુ વિદ્યાર્થીઓ ભણે છે. 25 માર્ચથી કોરોનાનો પગલે કોલેજો બંધ છે અને યોગ્ય શૈક્ષણિક માળખુ નથી,ઉપરાંત કોલેજ ઈન્ફ્રાસ્ટ્રકચર અને સુવિધાઓનો ઉપયોગ થઈ રહયો નથી.
હાલની કપરી સ્થિતિમાં આર્થિક સંકડામણને પગલે અનેક વિદ્યાર્થીઓ ઊંચી ફી ભરી શકે તેમ ન હોવાથી એમબીબીએસનો અભ્યાસ છોડવો પડે તેમ છે. વિદ્યાર્થીઓની માંગ છે કે ચાલુ સેમેસ્ટરની કોલેજની ફી માફ કરવામા આવે અને નવા સત્રની ફીમાં ઘટાડો કરવો.વિદ્યાર્થીઓના આંદોલનને ગુજરાત પેરેન્ટ એસોસિએશને પણ સપોર્ટ કર્યો છે.