દેશમાં વધતી ગરમીની વચ્ચે લીંબૂની માગમાં અચાનક વધારો થયો છે, જેના કારણે તેના ભાવ પણ આકાશે આંબી રહ્યા છે.
ગરમીની સિઝનમાં લીંબૂના ભાવ આસમાને પહોંચ્યા
200 રૂપિયે કિલો વેચાઈ રહ્યા છે લીંબૂ
લગ્નમાં ગિફ્ટમાં આપ્યું લીંબૂનું પેકેટ
દેશમાં વધતી ગરમીની વચ્ચે લીંબૂની માગમાં અચાનક વધારો થયો છે, જેના કારણે તેના ભાવ પણ આકાશે આંબી રહ્યા છે. લીંબૂની કિંમતમાં જબરદસ્ત ઉછાળો આવ્યો છે. લીંબૂના ભાવ જે રીતે વધી રહ્યા છે, તેને લઈને લોકો હવે ગિફ્ટમાં લીંબૂ આપવાના શરૂ કર્યા છે. જી હાં. આવો જ એક કિસ્સો રાજકોટમાંથી સામે આવ્યો છે. અહીં ધોરાજીમાં એક લગ્ન દરમિયાન વરરાજાને લીંબૂના પેકેટ ગિફ્ટમાં આપવામાં આવ્યા છે. જેની તસ્વીરો હાલમાં સોશિયલ મીડિયા પર વાયરલ થઈ રહી છે.
લગ્નમાં ગિફ્ટમાં આપી રહ્યા છે લીંબૂ
ધોરાજીમાં આયોજીત કરવામાં આવેલા એક લગ્નમાં આવેલા મહેમાન દિનેશે જણાવ્યું હતું કે, હાલમાં સમયમાં રાજ્યમાં અને દેશમાં લીંબૂના ભાવ ખૂબ વધી રહ્યા છે. આ ગરમીમાં લીંબૂની ખાસ જરૂર પડે છે. એટલા માટે મેં લગ્નમાં વરરાજાને લગ્નમાં ગિફ્ટ તરીકે લીંબૂ આપ્યા છે. અહીં રિટેલ માર્કેટમાં એક લીંબૂનો ભાવ 10-15 રૂપિયા છે. જ્યારે જથ્થાબંધ બજારમાં લીંબૂની કિંમત 200 રૂપિયા કિલોએ વેચાઈ રહ્યા છે. માગ અને વેચાણમાં મોટા અંતરના કારણે રમઝાન અને નવરાત્રિમાં લીંબૂની કિંમતોમાં ભારે ઉછાળો આવ્યો છે.
ત્રણ અઠવાડીયા પહેલા 60 રૂપિયા કિલોએ વેચાતા હતા
જથ્થાબંધના ડીલરે જણાવ્યું હતું કે, ત્રણ અઠવાડીયા પહેલા વાત કરીએ તો, રાજકોટના જથ્થાબંધ બજારમાં લીંબૂના ભાવ 60 રૂપિયા પ્રતિ કિલો હતા, જ્યારે હાલમાં 200 રૂપિયાને પાર કરી ગયા છે. લીંબૂના ભાવમા આ વધારો ગરમીની સિઝનમાં થયો છે. જ્યારે લીંબૂની સૌથી વધારે માગ હોય છે. આ વખતે લીંબૂનો પાક પણ ખૂબ ઓછો થયો છે. રમઝાન અને ગરમીના કારણે લીંબૂની માગ ખૂબ વધી છે.