ગોલમાલ / કરચોરી મામલે સ્ટેટ GST વિભાગની મોટી કાર્યવાહી: સૌરાષ્ટ્રમાં રૂ.304કરોડનુ ઈ વે બિલ કૌભાંડ ઝડપાયુ 

• સૌરાષ્ટ્રમાં રૂ.304કરોડનુ ઈ વે બિલ કૌભાંડ ઝડપાયુ 
• રાજકોટ વેટ વિભાગે સિંગદાણામાં થતી કરચોરી ઝડપી
• અલગ અલગ 8 પેઢીના નામે વેટ નંબર લેવાયા હતા

કરચોરી મામલે સ્ટેટ GST વિભાગે મોટી કાર્યવાહી કરી છે. સૌરાષ્ટ્રમાંથી રૂપિયા 304 કરોડનું ઈ વે-બિલ કૌભાંડ ઝડપી પાડવામાં આવ્યું છે. રાજકોટ વેટ વિભાગે સિંગદાણાના વેપારમાં થતી કરચોરીને ઝડપી પાડી છે.

સિંગદાણાંની રાજ્ય અને રાજ્યબહાર નિકાસ કરતો હતો શખ્સ

ચોરી કરતા વેપારી દ્વારા અલગ અલગ 8 પેઢીના નામે વેટ નંબર લેવામાં આવ્યા હતા. અને આ સિંગદાણાની રાજ્ય તથા રાજ્યની વહાર નિકાસ આ વેપારી કરતો હતો. સૌરાષ્ટ્રના અલગ અલગ 35 સ્થળો પર વેટ વિભાગે દરોડા પાડ્યા હતા. જેમાંથી જૂનાગઢના સંજય મશરૂ નામના એક શખ્સને 15.21 કરોડની વેટ ચોરીના આરોપમાં ધરપકડ કરવામાં આવી છે. હાલ કોર્ટમાંથી ઝડપાયેલા શખ્સના રિમાન્ડ મેળવવાની કાર્યવાહી હાથ ધરવામાં આવી છે.