GST / આર્થિક મોરચે મોદી સરકારને મોટો ઝટકો, સપ્ટેમ્બરમાં GST કલેક્શનમાં ઘટાડો

• GST કલેક્શન મોરચે મોદી સરકારને મોટો ઝટકો
• સપ્ટેમ્બર મહીનામાં જીએસટી કલેક્શન એક લાખ કરોડ રૂપિયાથી નીચે રહ્યું 
• સપ્ટેમ્બરમાં કુલ 91,916 કરોડ રૂપિયાનું જીએસટી કલેક્શન થયું

આવક વિભાગ મુજબ આ પહેલા ઓગસ્ટ મહીનામાં જીએસટી કલેક્શન 98,203 કરોડ રૂપિયા હતું. એટલે કે ઓગસ્ટના હિસાબે સપ્ટેમ્બરમાં કુલ 6287 કરોડ રૂપિયા જીએસટી ઓછુ જોવા મળ્યું છે. 

સપ્ટેમ્બરમાં GST કલેક્શન ઘટ્યું

આંકડા મુજબ કુલ જીએસટી કલેક્શન 91,916 કરોડ રૂપિયામાં કેન્દ્ર અને રાજ્યમાં બંનેનો ભાગ છે. તેમાંથી 16,630 કરોડથી વધારેની રાશિ કેન્દ્ર સરકારની છે, જ્યારે 22,598 કરોડ રાશિ રાજ્યોને મળી છે. જ્યારે 45,069 કરોડ રૂપિયા આઇજીએસટીથી મળ્યા છે. 

ઓગસ્ટના આંકડા

જ્યારે ઓગસ્ટમાં કુલ 98,203 કરોડ રૂપિયા જીએસટી કલેક્શન થયું હતું. જેમાંથી 17,733 કરોડ રૂપિયા કેન્દ્રની રાશિ હતી. જ્યારે 24,239 કરોડ રાશિ રાજ્યોને મળી હતી. જ્યારે 48,958 કરોડ રૂપિયા આઇજીએસટીથી મળ્યા હતા. જુલાઇ 2019માં આ રાશિ 1,02,083 કરોડ રૂપિયા રહી હતી. જૂનમાં આ રાશિ 99,939 કરોડ રૂપિયા રહી હતી. આ પ્રકારે જૂન અને જુલાઇની તુલનામાં ઓગસ્ટમાં ઘટાડો નોંધાયો છે.