ગફલત / સાવ આવી બેદરકારી... સરકારની આ એક ભૂલે લાખો વિદ્યાર્થીઓનું ભવિષ્ય બગાડ્યું

બિનસચિવાલય ક્લાર્ક અને ઓફિસ આસિસ્ટન્ટની પરીક્ષા યોજાવાની હતી. જે જોબ માટે અગાઉ લઘુત્તમ લાયકાત ધો-12 સુધીની નક્કી કરાઇ હતી જે હવે સ્નાતક કરાશે. એકવાર જાહેરાત બાદ પરીક્ષા રદ્દ કેવી રીતે થઈ? પરીક્ષાની જાહેરાત બાદ ફેરફાર શા માટે કરાયો? શું ગૌણ પસંદગી સેવા મંડળ નવા નિયમો અંગે માહિતગાર ન હતું?

છેલ્લા બે વર્ષથી સરકારે જાણે કે સરકારી નોકરીની મહેનત કરતા યુવાનોની મજાક કરવાનું ચાલુ કર્યું હોય તેવા બનાવો સતત બની રહ્યા છે. LRDની પરીક્ષાના પેપર લીક બાદ નોકરીની તૈયારી કરતા યુવાનોને લાગ્યુ કે સરકાર કંઈક શીખ લીધી છે અને હવે પછીની પરીક્ષામાં કંઈ જ અણબનાવ નહી બને અને અમને નોકરી મળશે. પરંતુ આ આશા પર પણ ફરી એકવાર ગઈકાલે રાત્રે પાણી ફર્યા છે. ગઈકાલે રાત્રે અચાનક જાહેરાત કરાઈ કે બીન સચીવાલયની પરીક્ષા રદ્દ કરવામાં આવી છે.    

પરીક્ષા રદ મુદ્દે  VTVનો સૌથી મોટો ખુલાસો શું છે?

સરકારની નિયમ આડે આવતી હોવાને કારણે પરીક્ષા રદ કારાઇ છે. નિયમ મુજબ ક્લાર્કની ભરતી માટે ગ્રેજયુઅશન જરુરી છે. જ્યારે ભરતીમાં ઉમેદવારો 12 પાસ હતા તેવાના પણ ફોર્મ પાસ કરી દેવાયા હતા જેને પરિણામે પરીક્ષા રદ થઇ છે. રાજ્ય સરકારે 20 સપ્ટેમ્બરે નોટિફિકેશન બહાર પાડ્યું હતું. નોટિફિકેશનમાં ઓછામાં ઓછી ગ્રેજ્યુએશનની લાયકાત હતી . 2014ના ભરતી નિયમ મુજબ ક્લર્કની જોબ માટે ગ્રેજ્યુએશન ફરજીયાત છે. 4 ઓક્ટોબરે ગૌણ સેવા મંડળને આ અંગેનો પત્ર મળ્યો હતો. અંડર સેક્રેટરીનો પત્ર મળ્યા બાદ ગૌણ સેવા મંડળે નિર્ણય લીધો હતો. 

શું છે વિગતો
ઓક્ટોબર 2018માં ફોર્મ ભરાયુ હતુ. ફોર્મ ભરાતી વખતે 3500ની જગ્યા હતી. ટોટલ 125000 વિદ્યાર્થીઓએ ફોર્મ ભર્યા હતા. છેલ્લે 1045000 વિદ્યાર્થીઓ પરીક્ષામાં બેસવા લાયક ઠર્યા હતા.  20 ઓક્ટોબરે 2019ના દિવસે પરીક્ષા હતી. ગઈકાલે અચાનક પરીક્ષા રદ્દ કરી. 10 લાખ પરીવારોના સપના રોળાયા છે. સરકારે કરી ગરીબ લોકોની મજાક ઉડાડી છે. 

અમદાવાદમાં બિન સચિવાલયની પરીક્ષાઓ ક્લાસીસની માહિતી
અત્યારે અમદાવાદ અને ગાંધીનગરમાં 100 કરતા પણ વધુ કલાસીસ સક્રિય છે આ તમામ કલાસીસમાં હજારોની સંખ્યામાં ઉમેદવારો તૈયારી કરે છે જ્યારે લાયબ્રેરીમાં અને વિવિધ સમાજ દ્વારા ચાલતા કલાસીસની વાત કરીએ તો તેમાં રહીને મહેનત કરતા ઉમેદવારોનો આંકડો લાખોમાં પહોંચે છે આ તમામ ઉમેદવારો એક જ આશાએ મહેનત કરે છે કે તેઓને સરકારી નોકરી મળશે. જોઈએ એક વખત આંખડો કે કેટલા કલાસીસ કયાં ધમધમે છે

કયા શહેરમાં કેટલા છે ક્લાસીસ
અમદાવાદ 30થી વધુ
ગાંધીનગર: 50થી વધુ
વડોદરા: 20થી વધુ
સુરત: 25થી વધુ
રાજકોટ: 20થી વધુ
ભાવનગર: 15થી વધુ

ગાધીનગર આવી પરીક્ષાનું હબ છે
ગુજરાતના વિવિધ ગામડાઓમાંથી યુવાનો ગાંધીનગર સ્પધાત્મક પરીક્ષાની તૈયારી માટે આવતા હોય છે તેની પાછળનુ મુખ્ય કારણ પોલીટીકસનુ હબ ગણાતા ગાંધીનગરમાં ક્યાંક કોઈનાથી કનેકેશન થાય અને લીંક મળી જાય તો પાસ થવુ સહેલું થઈ જાય. સાથે સાથે એ પણ એક તથ્ય છે કે અહીં છેલ્લા પાંચ વર્ષથી કલાસીસો વધ્યા છે અને તૈયારી કરનાર યુવાનોની સંખ્યા પણ વધી છે ત્યારે વીટીવીએ હોસ્ટેલમાં વિદ્યાર્થી રહીને કેવી રીતે તૈયારી કરે છે તે પણ જોવાનો પ્રયાસ કર્યો હતો

ગાંધીનગરમાં તૈયારી કરતા સ્ટુડન્ટસનો ખર્ચ 
15000થી વધુ કલાસીસ ફી
4000 દર મહિને જમવાના
1500 દર મહિને હોસ્ટેલ અથવા પીજી
5000 મટરીયલ
70000 કરતા વધુ ખર્ચ વર્ષિક