પંચમહાલમાં લગ્ન પ્રસંગમાં નાચતા-નાચતા વરરાજાના મિત્રનું ચક્કર આવ્યા બાદ મોત નીપજતા ખુશીનો માહોલ શોકમાં ફેરવાઈ ગયો છે.
વરરાજાના મિત્રને ચક્કર આવ્યા બાદ મોત
નાચતા સમયે વરરાજાના મિત્રને આવ્યા ચક્કર
સારવાર મળે એ પહેલા જ યુવકનું મોત
પંચમહાલ જિલ્લામાં મિત્રના લગ્નમાં ડાન્સ કરતા યુવકનું મોત થયું છે. ફુલેકામાં ડીજે અને બેન્ડની ધૂન પર નાચતી વખતે 27 વર્ષીય યુવક અચાનક જમીન પર પડી ગયો હતો. તેને હોસ્પિટલ લઈ જવામાં આવ્યો હતો. અહીં ડૉક્ટરોએ તેને મૃત જાહેર કર્યો હતો. હૃદય રોગના હુમલાને કારણે યવકનું મોત થયું હોવાની સંભાવના વ્યક્ત કરવામાં આવી છે.
યુવકને હૃદય રોગનો હુમલો આવ્યો હોવાની સંભાવના
મળતી માહિતી અનુસાર, પંચમહાલ જિલ્લામાંના મોરવા હડફ તાલુકાના રજાયતા ગામમાં આ ઘટના બની છે. જ્યાં લગ્ન પ્રસંગમાં વરઘોડામાં વરરાજાને ખભા પર બેસાડીને તેમનો મિત્ર ડાન્સ કરી રહ્યો હતો. આ તકે મિત્રને ચક્કર આવ્યા હતા. ચક્કર આવતાં જ યુવક નીચે ઢળી પડ્યો હતો. જે બાદ હોસ્પિટલ લઇ જતા રસ્તામાં જ યુવકનું નીપજ્યું મોત નિપજ્યું હતું. યુવકને ચક્કર આવવાની ઘટનાનો વીડિયો સામે આવ્યો છે. યુવકને હૃદય રોગનો હુમલો આવ્યો હોવાની સંભાવના છે.