ખતરો / બ્લેક, વ્હાઈટ અને યલો બાદ હવે વધુ એક ફંગસે ભારતમાં આપી દસ્તક, નોંધાયો પહેલો કેસ

• બ્લેક અને વ્હાઈટ ફંગસ બાદ વધુ એક ફંગસનો ખતરો 
• ગ્રીન ફંગસે આપી ભારતમાં દસ્તક 
• ભારતમાં ગ્રીન ફંગસનો પહેલો કેસ નોંધાયો 

કોરોનાની બીજી લહેરનો કહેર દેશમાં ઘટવાનો શરૂ થયો પરંતુ બ્લેક અને વ્હાઈટ ફંગસે કોહરામ મચાવી દીધો છે. હવે મધ્યપ્રદેશના ઈંદૌરમાં ગ્રીન ફંગસનો પહેલો કેસ સામે આવ્યો છે. હકીકતે અહીં અરવિંદો હસ્પિટલમાં 34 વર્ષીય એક વ્યક્તિના ફેફસા અને સાઈનસમાં એસ્પરગિલસ ફંગસ મળી આવી છે. આ વ્યક્તિની સારવાર હવે મુંબઈમાં ચાલી રહી છે. ડોક્ટરોએ કહ્યું કે આ સંક્રમણ બ્લેક અને વ્હાઈટ બન્ને ફંગસથી ખૂબ ખતરનાક છે. 

શું છે સમગ્ર મામલો? 
જાણકારી અનુસાર ઈંદૌરના માણિક બાગ રોડ પર રહેનાર વિશાલ શ્રીધરને થોડા દિવસો પહેલા કોરોના થયો હતો. સાજા થયા બાદ તે ઘરે ગયા પરંતુ પોસ્ટ કોવિડ સારવારના લક્ષણો દેખાતે તેમને ફરી હોસ્પિટલમાં દાખલ કરવામાં આવ્યા. સારવાર સમયે તેમના ફેફસા અને સાયનસમાં એસ્પરગિલસ ફંગસ મળી, જેની ઓળખ ગ્રીન ફંગસના રૂપમાં થઈ. ડોક્ટરોએ જણાવ્યું કે વિશાલના ફેફસામાં 90 ટકા સંક્રમણ થઈ ગયું છે. જ્યાર બાદ તેમને ચાર્ટર્ડ પ્લેનથી મુંબઈ મોકલવામાં આવ્યા. હવે હિન્દુજા હોસ્પિટલમાં તેમની સારવાર ચાલી રહી છે. 

શું છે એસ્પરગિલસ ફંગસ? 
ડોક્ટરોએ જણાવ્યું કે એસ્પરગિલસ ફંગસને સામાન્ય ભાષામાં યેલો ફંગસ અને ગ્રીન ફંગસ કહેવામાં આવે છે. જે ક્યારેક ક્યારેક બ્રાઉન ફંગસના રૂપમાં પણ જોવા મળે છે. હાલ ડોક્ટરોનું માનવું છે કે ગ્રીન ફંગસનો આ પહેલો મામલો છે જેની તપાસ કરવામાં આવી રહી છે. આ ફંગસ લંગ્સને ખૂબ ઝડપથી સંક્રમિત કરે છે.