25 વર્ષ બાદ ગ્રામ પંચાયતને આ વર્ષે ગામ સમરસ, ચૂંટણી દરમિયાન સરકારને અને ચૂંટણી લડનાર અને બંનેને થતા મોટા ખર્ચ તો મટ્યા પણ સામે ઈનામ પણ મળશે
ઢસા ગ્રામ પંચાયત સમરસ થઇ
પક્ષાપક્ષી ભૂલીને ગામ એક જૂથ થયું
સરકાર તરફથી વિશેષ ગ્રાન્ટ પર મળશે
હાલ ગ્રામ પંચાયત ની ચૂંટણી ને લઈને રાજકીય માહોલ ગરમાયો છે. જો કે પ્રત્યક્ષ રીતે કોઈ રાજકીય પક્ષઓ ગ્રામ પંચાયતની ચૂંટણી લડતા નથી પરંતુ આમ જોઈએ તો પરોક્ષ રીતે ચૂંટણી લડનારા દરેક કોઈને કોઈ પક્ષ સાથે જોડાયેલા હોય છે, અને જેને લઇને લોકસભા અને વિધાનસભા ની ચૂંટણી જેવો માહોલ ગ્રામ પંચાયતની ચૂંટણીમાં જામતો હોય છે. આવા સંજોગોમાં ગ્રામ પંચાયતને સમરસ કરવી મુશ્કેલ છે પરંતુ ઢસા ગામ લોકો ૨૫ વર્ષ બાદ ગ્રામ પંચાયતને આ વર્ષે સમરસ કરી અને એક અનોખુ ઉદાહરણ પૂરું પાડ્યું છે.
17 હજારની વસ્તી છતાંય ગામ સમરસ જાહેર થયું..
ગ્રામ પંચાયત ની ચૂંટણીઓ જાહેર થયા બાદ ઉમેદવારો પોતાના નામ નોંધવા તો પોતાનું વર્ચસ્વ દાખવવા દોડી રહ્યા છે. ગ્રામ પંચાયત ચૂંટણીઓ પ્રત્યક્ષ રીતે તો નહીં પરંતુ પરોક્ષ રીતે ભાજપ કોંગ્રેસ થઈ રહ્યું છે, ત્યારે બોટાદ જિલ્લામાં પણ 159 ગ્રામ પચાયત ની ચૂંટણી યોજાવાની છે. જયાં આ વર્ષે સરકાર દ્વારા સમરસ ગામે વધુ ગ્રાન્ટ અને લાભો ની જાહેરાત કરી છે.
ગઢડા તાલુકાનું સૌથી વધુ 17 હજારની વસ્તી ધરાવતું ઢસા ગામ કે જ્યાં ગત ગ્રામ પચાયતની ચૂંટણી માં સરપંચ તરીકે મુકેશભાઈ રાજપરા ચૂંટાઈ આવેલા હતા અને તેમના દ્વારા ગામની અંદર રોડ રસ્તા, પાણી ગટર સહિત અનેક વિકાસના કામો કરવામાં આવ્યા તેમજ જિલ્લા નું સૌથી મોટુ અને સુંદર મોક્ષધામ લોક ભાગીદારીથી બનાવામાં આવ્યું છે, તેમજ ગામની અંદર સીસીટીવી કેમેરા સહિત ના કામો કરવામાં આવેલ જે કામોને લઈ ગામ ના અગેવાનો દ્વારા નિર્ણય લઈ અને ઢસા ગામને સમરસ બનાવા માટેની વાત કરતા સર્વ સમાજ ને સાથે રાખી ગ્રામ પંચાયત ને સમરસ બનાવેલ છે. એક બાજુ ગ્રામ પંચાયતની ચુંટણીને લઈને રાજકીય ગરમાવો આવ્યો છે ત્યારે બીજી બાજુ તથા ગામમાં લોકો એક થઈ અને ગામને સમરસ બનાવ્યું છે.
મોટા ખર્ચની બચત થઈ
ત્યારે હવે પક્ષાપક્ષી ને ભૂલી તથા ગામના લોકો માત્ર ગામના વિકાસને જ એક લક્ષ્ય બનાવી એક જૂથ થઈ અને ગામને સરસ બનાવ્યું છે તેમજ સમરસ થતાં જ ગામના વિકાસ માટે સરકાર તરફથી વિશેષ ગ્રાન્ટ પર મળશે. આ ઉપરાંત ચૂંટણી દરમિયાન સરકારને અને ચૂંટણી લડનાર અને બંનેને થતા મોટા ખર્ચ પણ બચ્યા છે.ત્યારે આ ગામ પરથી બીજા ગામના લોકોએ પણ પ્રેરણા લેવી જોઈએ. ગામને હવે સરકારે જાહેર કરેલુ સમરસ ગામ ઈનામ પણ મળશે.