ટાટા કંપની દ્વારા કેમિકલયુક્ત પાણી છોડવાના આક્ષેપ મામલે GPCB એ હાથ ધરી તપાસ

દ્વારકામાં મીઠાપુરમાં ટાટા કંપની દ્વારા કેમિકલયુક્ત પાણી છોડવાના સ્થાનિકો દ્વારા આક્ષેપ કરવામાં આવી રહ્યા છે. આ મામલે કાર્યવાહી કરવામાં આવી છે. GPCBની ટીમ પાડલી ગામે પાણીનું સેમ્પલ લેવા માટે પહોંચી હતી. સ્થાનિકો દ્વારા ઓપન ચેનલથી કેમિકલયુક્ત પાણી છોડવાનો આક્ષેપ કર્યો છે. સ્થાનિકોની ફરિયાદોને પગલે GPCB દ્વારા કાર્યવાહી શરૂ કરવામાં આવી છે.



આ ઘટના મામલે મળતી વિગત અનુસાર દ્વારકાના મીઠાપુર ખાતે આવેલ ટાટા કંપની દ્વારા કેનાલમાં કેમિકલયુક્ત પાણી છોડતા હોવાની ફરિયાદ સ્થાનિકો દ્વારા GPCBને કરવામાં આવી હતી. આ ફરિયાદને ધ્યાને લઇને GPCBની એક ટીમ ગઇકાલે મીઠાપુર આવી પહોંચી હતી અને પાણીનું સેમ્પલ લેવાની કામગીરી હાથ ધરી હતી. 
 

#Dwarka માં ટાટા કંપની દ્વારા કેમિકલયુક્ત પાણી છોડવાના આક્ષેપનો મામલો GPCBની ટીમ પાડલી ગામે પાણીનું સેમ્પલ લેવા પહોંચી ઓપન ચેનલથી કેમિકલયુક્ત પાણી છોડવાનો છે આક્ષેપ વ્યાપક ફરિયાદોને પગલે કાર્યવાહી શરૂ કરવામાં આવી pic.twitter.com/IfDS8FUlSt

— VTV Gujarati News (@VtvGujarati) September 16 2018

ત્યારે આ આક્ષેપ મામલે GPCBની ટીમ દ્વારા પાણીના સેમ્પલ લઇને તેની ચકાસણી કરવામાં આવશે અને જો આ પાણીમાં કોઇપણ પ્રકારના કેમિકલની ભેળસેળ જણાશે તો મીઠાપુર ખાતે આવેલ ટાટા કંપની સામે કાયદેસરની કાર્યવાહી પણ કરવામાં આવશે તેવી વાત GPCBના અધિકારી જાહેર માધ્યમને કરી હતી. 

આપને જણાવી દઇએ કે દ્વારકાના મીઠાપુર ખાતે GIDC તથા મોટા ઉદ્યોગ-ધંધા આવેલ છે.ત્યારે જાણીતા ટાટા કંપની દ્વારા ઓપન ચેનલ મારફતે કેમિકલયુક્ત પાણી છોડાવામાં આવતી હોવાની રાવ ગ્રામજનોએ GPCBને કરતા તેના અધિકારીઓએ સ્થળની રૂબરૂ મુલાકાત લઇને પાણીના સેમ્પલ લીધા હતા.