વારાણસી / PM મોદીએ જાણ્યું વિદ્યાર્થીઓનું દર્દ, દરેક જિલ્લામાં મેડિકલ કોલેજ શરુ કરવાની કરી જાહેરાત

• પ્રધાનમંત્રી મોદી યુક્રેનથી પાછા આવેલા વિદ્યાર્થીઓને મળ્યાં
• કહ્યું દરેક જિલ્લામાં મેડિકલ કોલેજ શરુ કરવાનો સરકારનો ઈરાદો
• આગામી 10 વર્ષમાં વધારે ડોક્ટરો પેદા થશે

યુક્રેનથી પાછા આવેલા વિદ્યાર્થીઓ સાથેની મુલાકાતમાં પ્રધાનમંત્રી મોદીએ એક મોટી જાહેરાત કરી છે. પ્રધાનમંત્રીએ કહ્યું કે આગામી સમયમાં દરેક જિલ્લામાં એક-એક મેડિકલ કોલેજ શરુ કરવાનો સરકારનો ઈરાદો છે અને તેને માટે સરકાર કામ કરી રહી છે. પ્રધાનમંત્રી મોદી તેમના સંસદીય મતવિસ્તાર વારાણસીમાં યુક્રેનથી આવેલા વિદ્યાર્થીઓને મળ્યાં હતા અને તેમની પાસેથી યુક્રેનના અનુભવો જાણ્યા હતા અને તેમની પડી રહેલી મુશ્કેલીઓ જાણી હતી. આ પછી પીએમને જરુરી લાગ્યું હતું જો દેશમાં જ વિદ્યાર્થીઓને સસ્તું મેડિકલ શિક્ષણ મળી રહે તો વધારે સારુ, આથી પીએમ મોદીએ વિદ્યાર્થીઓને કહ્યું કે આગામી સમયમાં દેશના દરેક જિલ્લામાં મેડિકલ કોલેજ શરુ કરવાની સરકારની ઈચ્છા છે. 

Govt working to have medical college in every district, more doctors will likely be produced in 10 years than in earlier 70 years: PM Modi

— Press Trust of India (@PTI_News) March 3, 2022

આગામી 10 વર્ષમાં વધારે ડોક્ટરો પેદા થશે

If medical education policies were right earlier, then you might not have to travel abroad: PM Modi to students who returned from Ukraine

— Press Trust of India (@PTI_News) March 3, 2022

પીએમ મોદીએ કહ્યું કે 70 વર્ષની તુલનાએ આગામી 10 વર્ષમાં વધારે ડોક્ટરો પેદા થશે.મોદીએ કહ્યું કે જો અગાઉની મેડિકલ નીતિઓ યોગ્ય હોત તો તમારે મેડિકલનું ભણવા માટે વિદેશ સુધી લાંબુ ન થવું પડેત. 

Prime Minister Narendra Modi interacted with students who returned from Ukraine in Varanasi today. These students shared their experiences with him. The students were from Varanasi as well as other parts of Uttar Pradesh. pic.twitter.com/iHpACjgAqf

— ANI UP/Uttarakhand (@ANINewsUP) March 3, 2022

વારાણસીમાં પીએમ મોદી યુક્રેનથી આવેલા વિદ્યાર્થીઓને  મળ્યાં

પીએમ નરેન્દ્ર મોદીએ પોતાના સંસદીય ક્ષેત્ર વારાણસીમાં યૂક્રેનથી પરત ફરેલા વિદ્યાર્થીઓ સાથે મુલાકાત કરી છે. આ દરમિયાન વિદ્યાર્થીઓએ યૂક્રેનના પોતાના અનુભવો પીએમ નરેન્દ્ર મોદી સાથે શેર કર્યા હતા. વડા પ્રધાનને મળેલા વિદ્યાર્થીઓમાં તેમના સંસદીય ક્ષેત્ર વારાણસીના વિદ્યાર્થીઓ પણ હતા. આ ઉપરાંત પીએમ મોદીએ ઉત્તર પ્રદેશના અન્ય ભાગોના વિદ્યાર્થીઓ સાથે પણ વાત કરી હતી. આ દરમિયાન વડાપ્રધાન ખૂબ જ હળવા દિલથી વિદ્યાર્થીઓ સાથે વાત કરતા જોવા મળ્યા હતા. એટલું જ નહીં પીએમ મોદીએ વિદ્યાર્થીઓ સાથે તસવીરો પણ લીધી હતી.

ભારતમાં મેડિકલ શિક્ષણ મોંઘુ, યુક્રેનમાં સાવ સસ્તું

ઉલ્લેખનીય છે કે ભારતમાં મેડિકલ શિક્ષણ ખૂબ મોંઘું છે જે મેડિકલ શિક્ષણ માટે ભારતમાં દોઢ કરોડનો ખર્ચ કરવો પડે છે તે જ શિક્ષણ યુક્રેન જેવા દેશમાં 25 લાખમાં પતી જાય છે એટલે ભારતીયોના સેંકડો વિદ્યાર્થીઓ યુક્રેનમાં જઈને મેડિકલનું ભણતા હોય છે. 

17,000 ભારતીય નાગરિકો યુક્રેન સરહદ છોડીને ચાલ્યા ગયા
યુક્રેનમાં ફસાયેલા બાકીના વિદ્યાર્થીઓને બહાર કાઢવાની સુવિધા માટે એડવાઇઝરી જારી કર્યા બાદથી અત્યાર સુધીમાં કુલ 17,000 ભારતીય નાગરિકો યુક્રેન સરહદ છોડીને ચાલ્યા ગયા છે અને ઓપરેશન ગંગા હેઠળ ફ્લાઇટ્સ વધારવામાં આવી છે.