મહિલા સાથે અભદ્ર વર્તન કરનારા ભાજપના નેતા શ્રીકાંત ત્યાગીને પકડવા માટે પોલીસની પાંચ ટીમો બનાવવામાં આવી, ત્યાગીની ધરપકડમાં મદદ કરનાર વ્યક્તિને 25,000 આપવાની જાહેરાત
મહિલા સાથે અભદ્ર વર્તન કરનારા ભાજપના નેતા શ્રીકાંત ત્યાગી ઉપર 25,000નું ઈનામ
ભાજપના નેતા શ્રીકાંત ત્યાગી ઘરે GST ટીમનાં દરોડાની કવાયત
નોઈડા પોલીસ દ્વારા ત્યાગીની ધરપકડમાં મદદ કરનાર વ્યક્તિને 25,000 આપવાની જાહેરાત
શ્રીકાંતને શોધવા પોલીસ દ્વારા ઉત્તરાખંડમાં સતત દરોડા પાડવામાં આવી રહ્યા છે
નોઈડાની ગ્રાન્ડ ઓમેક્સ સોસાયટીમાં એક મહિલા અભદ્ર વર્તન કરનારા શ્રીકાંત ત્યાગીને લઈ એક મોટા સમાચાર સામે આવ્યા છે. નોઈડા પોલીસે શ્રીકાંત ત્યાગીની ધરપકડમાં મદદ કરનાર વ્યક્તિને 25,000 રૂપિયાની રોકડ કિંમત આપવાની જાહેરાત કરી હતી. આ સાથેહવે GSTની ટીમ શ્રીકાંત ત્યાગીના સ્થળો પર દરોડા પાડવા માટે નોઈડાના ભાંગેલ વિસ્તારમાં પહોંચી છે. હાલમાં તેની શોધમાં ઉત્તરાખંડમાં સતત દરોડા પાડવામાં આવી રહ્યા છે અને તેને પકડવાના પ્રયાસો તેજ કરી દેવામાં આવ્યા છે, તો બીજી તરફ નોઈડા સોસાયટીમાં તેના ગેરકાયદે બાંધકામ પર નોઈડા ઓથોરિટી દ્વારા કાર્યવાહી કરવામાં આવી છે. સોમવારે સવારે નોઈડા પ્રશાસન વતી બુલડોઝર દ્વારા ગેરકાયદે બાંધકામ તોડી પાડવામાં આવ્યું હતું. આ સાથે તેને પકડવા માટે પોલીસની પાંચ ટીમો બનાવવામાં આવી છે.
નોઈડાની સોસાયટીમાં એક મહિલા સાથે દુષ્કર્મના મામલામાં ચર્ચામાં આવેલા શ્રીકાંત ત્યાગી સામે યુપી સરકાર કડક બની છે. આ સાથે હવે GSTની ટીમ શ્રીકાંત ત્યાગીના સ્થળો પર દરોડા પાડવા માટે નોઈડાના ભાંગેલ વિસ્તારમાં પહોંચી છે. અહીં લગભગ 15 ત્યાગીની દુકાનો છે. અગાઉ સોમવારે સેક્ટર-93માં આવેલી ઓમેક્સ સોસાયટીમાં આરોપીનું ગેરકાયદે બાંધકામ તોડી પાડવામાં આવ્યું હતું અને હવે તેના પર 25 હજાર રૂપિયાનું ઈનામ પણ જાહેર કરવામાં આવ્યું છે.
The Commissionerate of Gautam Buddh Nagar (Noida), Uttar Pradesh announced a cash price of Rs 25,000 to the person who helps with the arrest of Shrikant Tyagi, accused of assaulting a woman in Omaxe society
સમગ્ર મામલે નોઈડા પોલીસ કમિશ્નર આલોક સિંહે જણાવ્યું કે, ગેરકાયદેસર બાંધકામ પર ચાલતા બુલડોઝરની સાથે આરોપી નેતાની સંપત્તિ પણ જપ્ત કરવામાં આવશે. આ સિવાય નોઈડાની ગ્રાન્ડ ઓમેક્સ સોસાયટીમાં થયેલા હંગામા બાદ પોલીસ સ્ટેશન ફેઝ ટુના ઈન્ચાર્જ સુજીત ઉપાધ્યાયને સસ્પેન્ડ કરવામાં આવ્યા છે. તેમના સ્થાને પરમ હંસ તિવારીની નિમણૂક કરવામાં આવી છે.
શું છે સમગ્ર મામલો ?
આ મામલો બે દિવસથી વાયરલ થઈ રહેલા વીડિયોથી શરૂ થયો હતો. આ વીડિયોમાં શ્રીકાંત ત્યાગી નોઈડાની પોશ સોસાયટીમાં એક મહિલા સાથે દુર્વ્યવહાર કરતો જોવા મળ્યો હતો. આ વીડિયો સોશિયલ મીડિયા પર ખૂબ જ ઝડપથી વાયરલ થવા લાગ્યો. આ મામલો ગઈકાલે રાત્રે ફરી ત્યારે વધી ગયો જ્યારે ત્યાગીના ગુંડાઓ જે વીડિયો વાયરલ થયા બાદથી ફરાર હતા તે સોસાયટીમાં પહોંચ્યા અને તોડફોડ કરવાનું શરૂ કર્યું. આ હંગામા બાદ પોલીસ અને ડીએમ સાથે સાંસદ મહેશ શર્મા ઘટનાસ્થળે પહોંચ્યા હતા. પોલીસે તાત્કાલિક કાર્યવાહી કરીને હંગામો મચાવનારા અડધો ડઝન જેટલા લોકોને કસ્ટડીમાં લીધા છે. લોકો અને સાંસદ અને પૂર્વ કેન્દ્રીય મંત્રી મહેશ શર્મા ભારે રોષે ભરાતા તેમણે વહીવટીતંત્ર પાસે કાર્યવાહીની માંગ કરી હતી અને તેમના મજબૂત વલણને જોતા આજે શ્રીકાંતના ગેરકાયદે બાંધકામ પર બુલડોઝર ફેરવ્યું હતું.
શ્રીકાંત ત્યાગીના નજીકના સાથીઓની અટકાયત
અગાઉ શનિવારે નોઇડા પોલીસે કહ્યું હતું કે, તેમણે એક મહિલા પર કથિત રીતે હુમલો કરવાના આરોપમાં ફરાર શ્રીકાંત ત્યાગીના ચાર નજીકના સાથીઓની અટકાયત કરી છે. આ સાથે તેના બે વાહનો પણ જપ્ત કરવામાં આવ્યા છે. પોલીસે જણાવ્યું કે, આરોપી નેતા વિરુદ્ધ બીજી એફઆઈઆર નોંધવામાં આવી છે. ત્યાગી વિરુદ્ધ ભારતીય દંડ સંહિતાની કલમ 354 હેઠળ કેસ નોંધવામાં આવ્યો હતો.