દાવામાં નકલી વેબસાઇટની લિંક આપવામાં આવી છે, જેના પર યુઝર્સને રિચાર્જ પર ક્લિક કરવાનું કહેવામાં આવ્યું છે. મેસેજમાં જણાવાયું છે કે આ ઑફર 24 જૂન, 2022 સુધી મર્યાદિત છે.
સોશિયલ મીડિયા પર વાયરલ થઈ રહ્યો આ મેસેજ
સરકાર ફ્રીમાં આપી રહી 3 મહિનાનું ઈન્ટરનેટ?
જાણો વાયરલ મેસેજની હકીકત
આ દિવસોમાં સોશિયલ મીડિયા પર એક મેસેજ ઝડપથી વાયરલ થઈ રહ્યો છે, જેમાં એવો દાવો કરવામાં આવી રહ્યો છે કે સરકાર ઓનલાઈન અભ્યાસના તમામ યુઝર્સને 3 મહિનાનું ફ્રી રિચાર્જ આપી રહી છે. વાયરલ મેસેજમાં દાવો કરવામાં આવ્યો છે કે જો તમારી પાસે Jio, Airtel અથવા Vodafone Idea (Vi) સિમ છે તો તમે આ ઑફરનો લાભ લઈ શકો છો. ભારત સરકારે આવી કોઈ જાહેરાત કરી નથી. આ લોકોને છેતરવાનું માધ્યમ હોઈ શકે છે. આથી તેનાથી બચવાની જરૂર છે. PIB ફેક્ટ ચેકે આ માહિતી આપી છે.
શું છે વાયરલ મેસેજ?
PIB ફેક્ટ ચેકે રિપોર્ટ આપ્યો છે કે ભારત સરકાર દ્વારા આવી કોઈ જાહેરાત કરવામાં આવી નથી. આ દાવો ખોટો છે. દાવામાં નકલી વેબસાઇટની લિંક આપવામાં આવી છે, જેના પર યુઝર્સને રિચાર્જ પર ક્લિક કરવાનું કહેવામાં આવ્યું છે. મેસેજમાં જણાવાયું છે કે આ ઑફર 24 જૂન, 2022 સુધી મર્યાદિત છે. જલદીકરો.
एक वायरल #WhatsApp मैसेज में दावा किया जा रहा है कि भारत सरकार ऑनलाइन पढ़ाई के लिए सभी भारतीय यूजर्स को 3 महीने का रिचार्ज फ्री में दे रही है।#PIBFactCheck:
સરકારી નોકરીનો દાવો
અન્ય એક ફેક મેસેજમાં ભારતીય મિશન રોજગાર યોજના નામની વેબસાઈટ 1,280 રૂપિયાની અરજી ફીના બદલામાં બેરોજગારોને સરકારી નોકરી આપવાનો દાવો કરી રહી છે. PIB ફેક્ટ ચેકે કહ્યું, આ વેબસાઈટ નકલી છે. ભારત સરકાર દ્વારા આવી કોઈ યોજના ચલાવવામાં આવી રહી નથી. આવી છેતરપિંડીથી સાવધાન રહો.
ત્યાં જ એક મેસેજમાં દાવો કરવામાં આવ્યો છે કે નવી શિક્ષણ નીતિ હેઠળ, ધોરણ 10ની બોર્ડ પરીક્ષાઓ નાબૂદ કરવામાં આવશે. PIB ફેક્ટ ચેકે કહ્યું કે, આ દાવો નકલી છે. નવી શિક્ષણ નીતિમાં ધોરણ 10ની બોર્ડની પરીક્ષાઓ નાબૂદ કરવાની કોઈ જોગવાઈ નથી. મહેરબાની કરીને આવા ભ્રામક મેસેજ ફોરવર્ડ કરશો નહીં.
તમને જણાવી દઈએ કે PIB ફેક્ટ ચેક સરકારી નીતિઓ અથવા યોજનાઓ પર ખોટી માહિતીને રદિયો આપે છે. જો તમને સરકાર સંબંધિત કોઈપણ સમાચાર નકલી હોવાની શંકા હોય, તો તમે તેના વિશે PIB ફેક્ટ ચેકને જાણ કરી શકો છો. આ માટે તમે આ મોબાઈલ નંબર 918799711259 અથવા [email protected] ઈમેલ આઈડી પરમોકલી શકો છો.