મોકો / સોનામાં રોકાણ કરવાનું વિચારતા લોકો માટે આ રહી સોનેરી તક, સરકાર લાગુ કરવા જઈ રહી છે નવી સ્કીમ

• સોનામાં રોકાણ કરવા ઇચ્છતા લોકો માટે સારા સમાચાર
• સોમવારથી સરકાર લાગુ કરી રહી છે SGB સ્કીમ
• રિઝર્વ બેન્ક સોમવારે જારી કરશે સોવરીન ગોલ્ડ બોન્ડ

સોનાના ભાવમાં દિવસેને દિવસે તેજી જોવા મળી રહી છે. ત્યારે સરકાર સોનામાં રોકાણ કરતાઓ માટે સારી તક લઈને આવી છે. સોનાના રોકાણ કરતાઓ માટે સોમવાર, 19 ડિસેમ્બરથી સોવરિન ગોલ્ડ બોન્ડ (SGB) 2022-23ની નવી સ્કીમ શરૂ થવા જઈ રહી છે. સરકારી ગોલ્ડ બોન્ડ 2022-23ની ત્રીજી શ્રેણી 19 ડિસેમ્બરથી 23 ડિસેમ્બર સુધી ખુલ્લી મુકવામાં આવશે.

સરકારી ગોલ્ડ બોન્ડ યોજના જારી કરશે

રિઝર્વ બેંક ઓફ ઈન્ડિયાએ ગોલ્ડ બોન્ડની ઈશ્યુ પ્રાઈસ 5,409 રૂપિયા પ્રતિ ગ્રામ રાખવામાં આવી છે. ભારતીય રિઝર્વ બેંક બે તબક્કામાં સરકારી ગોલ્ડ બોન્ડ યોજના જારી કરશે. આ યોજનાઓ ડિસેમ્બર અને માર્ચમાં રોકાણ માટે ખુલ્લી મૂકવામાં આવશે. આ નાણાકીય વર્ષની ત્રીજી શ્રેણી 19 ડિસેમ્બરથી શરૂ થશે. બીજી તરફ, ચોથી શ્રેણી 2023માં 6 થી 10 માર્ચ સુધી શરૂ થશે.

અરજીઓ 19 થી 23 ડિસેમ્બર સુધી સ્વીકારાશે

નાણા મંત્રાલયના જણાવ્યા અનુસાર ગોલ્ડ બોન્ડમાં રોકાણ માટેની અરજીઓ 19 થી 23 ડિસેમ્બર સુધી સ્વીકારવામાં આવશે. તેમજ 27 ડિસેમ્બરે પાત્રતા ધરાવતા અરજદારોને બોન્ડ જારી કરવામાં આવશે. ગોલ્ડ બોન્ડની ઇશ્યૂ કિંમત 999 શુદ્ધ સોના પર રહેશે. જેઓ ઓનલાઈન અરજી કરે છે અને ડિજિટલ મોડ દ્વારા ચૂકવણી કરે છે તેઓ રૂ. 50 ની છૂટ મેળવવા માટે હકદાર રહેશે.

4 કિલો ખરીદીની મર્યાદા

મંત્રાલય દ્વારા કહેવામાં આવ્યું હતું કે ગોલ્ડ બોન્ડનો કાર્યકાળ આઠ વર્ષનો છે. પાંચ વર્ષથી તેમાં વ્યાજ ચુકવવાની તારીખનો સમય પહેલા જ રિડમ્પશનની સુવિધા છે. રોકાણકારોને તેમાં છ મહિનાના આધાર પર 2.50 ટકા વાર્ષિક વ્યાજ મળે છે. એક રોકાણકાર વધુમાં વધુ ચાર કિલોગ્રામ સુધી ખરીદી કરી શકે છે. સોવરિન ગોલ્ડ બોન્ડ ખરીદવા માટે કેશ ડિમાન્ડ ડ્રાફ્ટ અથવા નેટ બેન્કિંગ દ્વારા ચુકવણી કરી શકાશે