તમારા કામનું / સોના- ચાંદીની નવી કિંમતો જારી, આજે સોનું 4 હજાર રુપિયા સસ્તું તો ચાંદીમાં પણ ભારે ઘટાડો

• સોના વાયદો 0.2 ટકાની તેજી સાથે  47,971 રુપિયા પર 
•  10 ગ્રામ સોનાની કિંમતમાં આજે 09 રુપિયાનો વધારો નોંધાયો
•  ચાંદીની કિંમતમાં 262 રુપિયા એટલે કે 0.40 ટકાનો ઘટાડો 

સોના વાયદો 0.2 ટકાની તેજી સાથે  47,971 રુપિયા પર 

સોના- ચાંદીની નવી કિંમતો જારી કરી દેવાઈ છે. આજે સોનાની કિંમતમાં હળવો વધારો થયો છે. ત્યારે ચાંદીમાં મોટો ઘટાડો જોવા મળી રહ્યો છે.  મલ્ટી કમોડિટી એક્સચેન્જ પર 10 ગ્રામ સોનાની કિંમતમાં આજે 09 રુપિયાનો વધારો નોંધાયો છે. MCX પર સવારે 9.20 વાગે સોના વાયદો 0.2 ટકાની તેજી સાથે  47,971 રુપિયા પર ટ્રેડ કરી રહ્યું છે. ચાંદીમાં મોટો ઘટાડો નજરે પડી રહ્યો છે. ચાંદીની કિંમતમાં 262 રુપિયા એટલે કે 0.40 ટકાનો ઘટાડો છે. આ ઘટાડાની સાથે ચાંદી 64, 903 રુપિયા પર કારોબાર કરી રહી છે.

હાલ આટલું સસ્તું છે સોનું

ગત વર્ષ ઓક્ટોબર 2020ની સરખામણીએ જોઈએ તો  વર્તમાનમાં સોનું હવે 4 હજાર રુપિયા સુધી સસ્તુ મળી રહ્યું છે. ગત વર્ષે આજના દિવસે MCX પર 10 ગ્રામની કિંમત 52, 220 રુપિયા હતી. આજે સોનુ 47, 971 રુપિયા પર વેચાઈ રહ્યું છે. તેવામાં હવે રેકોર્ડ સ્તરથી 4249 રુપિયા સસ્તુ વેચાઈ રહ્યું છે. 

મિસ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.