કોમોડિટી / સોનાને હમણાં અડતાં જ નહીં, થયો એક દિવસનો સૌથી મોટો ભાવ વધારો

• સોના-ચાંદીના ભાવમાં ફરી વધારો
• સોનાના ભાવમાં 1,155 રૂપિયાનો વધારો
• ચાંદીના ભાવમાં 1,198 રૂપિયાનો વધારો

એક્સપર્ટના જણાવ્યા અનુસાર અમેરિકામાં વ્યાજદર ઘટવા અને કોરોના વાયરસના કારણે દહેશતના માહોલમાં રોકાણકારો સેફ ઇન્વેસ્ટેમેન્ટની રીતે પૈસા લગાવી રહ્યા છે જેના કારણે ઉછાળો આવ્યો છે. 

સોનાના નવા ભાવ (Gold Price on 3rd March 2020)- 

સોમવારે, દિલ્હી બુલિયન માર્કેટમાં સોનાનો ભાવ રૂ. 43,228  થી વધીને રૂ.44,383 પર પ્રતિ 10 ગ્રામ થયો છે. એટલે કે, 1,155 રૂપિયાનો ઉછાળો જોવા મળ્યો છે. આ રીતે દિલ્હીના બુલિયન બજારમાં સોનાના ભાવમાં 6 રૂપિયાનો વધારો થયો છે. 

ચાંદીના નવા ભાવ (Silver Rate on 3rd March 2020)-

સોનાની જેમ ચાંદીના ભાવમાં પણ વધારો થયો છે. ચાંદીનો ભાવ 46,531 રૂપિયા વધીને 47,729 રૂપિયા પ્રતિ કિલો થઈ ગયો છે. આ સમયગાળા દરમિયાન ભાવમાં પ્રતિ કિલો રૂ. 1,198 નો વધારો થયો છે.

શું કહે છે HDFC સિક્યુરિટઝના નિષ્ણાંત? 

એચડીએફસી સિક્યોરિટીઝના સિનિયર એનાલિસ્ટના જણાવ્યા અનુસાર,રૂપિયામાં ઘટાડા બાદ સોનાના ભાવમાં મોટો વધારો થઈ શકે તેવી અપેક્ષા રાખવામાં આવી હતી. પરંતુ, આંતરરાષ્ટ્રીય સ્તરે કિંમતોમાં ઘટાડો થવાને કારણે મોટી બ્રેક લાગી છે. જો આગામી દિવસોમાં યુએસ સેન્ટ્રલ બેંક ફેડરલ રિઝર્વ તરફ વ્યાજના દરમાં ઘટાડો થાય છે, તો સોનાના ભાવમાં મોટો વધારો થઈ શકે છે.