દાગીના બનાવી લેજો / અખાત્રીજના એક દિવસ પહેલા ખુશખબર, સોનાના ભાવમાં મોટો ઘટાડો, ચાંદી 2000 સુધી સસ્તી

• મંગળવારે અખાત્રીજનો શુભ દિવસ
• અખાત્રીજના એક દિવસ પહેલા સોનાના ભાવમાં થયો મોટો ઘટાડો
• ચાંદીના ભાવમાં પણ 2000 રુપિયા સુધીનો ઘટાડો

આવતીકાલે 3 મે, અખાત્રીજનો શુભ દિવસ છે. આ દિવસે ભારતીયો સોના-ચાંદીની ખરીદીને શુભ માને છે. આવી સ્થિતિમાં, જો તમે પણ આ અક્ષય તૃતીયા પર સોનું ખરીદવાનું વિચારી રહ્યા છો, તો તમારા માટે એક સારા સમાચાર છે. ભારતીય બુલિયન માર્કેટમાં 2 મે, સોમવારે અક્ષય તૃતીયા પર સોના અને ચાંદી બંનેના ભાવમાં મોટો ઘટાડો નોંધાયો છે.

પ્રતિ 10 ગ્રામમાં 649 રૂપિયાનો ઘટાડો 
ઇન્ડિયા બુલિયન એસોસિએશન દ્વારા સોમવારે જાહેર કરવામાં આવેલા સ્પોટ રેટ મુજબ 24 કેરેટ શુદ્ધ સોનું આજે 51,406 રૂપિયા પ્રતિ 10 ગ્રામના ભાવે 649 રૂપિયા સસ્તું (સોનાનો ભાવ) ખુલ્યું હતું. તે જ સમયે, આજે ચાંદી 1954 રૂપિયાના ઘટાડા સાથે 62820 રૂપિયા પ્રતિ કિલો પર વેચાઈ રહ્યું છે. 24 કેરેટ સોનું 99.99 ટકા શુદ્ધ છે અને તેમાં અન્ય કોઈ ધાતુની ભેળસેળ કરાતી નથી. તેનો રંગ ચળકતો પીળો હોય છે. 24 કેરેટનું સોનું 22 કે 18 કેરેટના સોના કરતાં ઘણું મોંઘું છે.

22 કેરેટથી 18 કેરેટ સોનાના ભાવ 

22 કેરેટ સોનાના ભાવમાં 647 રુપિયાનો ઘટાડો થયો છે. હાલમાં 22 કેરેટ સોનાનો ભાવ 51200 રુપિયા છે તો 916 કેરેટ સોનાના ભાવમાં આજે 594 રુપિયાનો ઘટાડો આવ્યો છે. હાલમાં 916 કેરેટ સોનું 47088 રુપિયાના ભાવે વેચાઈ રહ્યું છે. 750 કેરેટ સોનું આજે 486 રૂપિયા પ્રતિ 10 ગ્રામ ઘટીને 38,555 રૂપિયા પર પહોંચી ગયું છે. તે જ સમયે, 585 કેરેટ સોનું આજે 300.73 રૂપિયા પ્રતિ દસ ગ્રામ પર વેચાઇ રહ્યું છે.

દેશભરમાં લાગુ છે  IBJAનો રેટ 
ઇન્ડિયન બુલ એન્ડ જ્વેલર્સ એસોસિયેશન (આઇબીજેએ) રજાના કારણે શનિવાર અને રવિવારે સોના-ચાંદીના દર જારી કરતું નથી.દેશભરમાં IBJAના દર સામાન્ય છે. જો કે આ વેબસાઈટ પર આપવામાં આવેલા રેટમાં જીએસટીનો સમાવેશ કરવામાં આવ્યો નથી. સોનું ખરીદતી વખતે અને વેચતી વખતે તમે IBJAનો રેટ  ટાંકી શકો છો. ઇન્ડિયા બુલિયન એન્ડ જ્વેલર્સ એસોસિયેશનના જણાવ્યા અનુસાર, આઇબીજેએ હાલના સોના-ચાંદીના દરને દેશભરના 14 કેન્દ્રો પરથી લઇ તેની એવરેજ વેલ્યુ આપે છે. સોના-ચાંદીનો હાલનો દર કે પછી કહીએ તો સ્પોટ પ્રાઇઝ અલગ અલગ જગ્યાએ અલગ-અલગ હોઇ શકે છે, પરંતુ તેમના ભાવમાં થોડો ફરક જોવા મળી રહ્યો છે.