તમારા કામનું / સોનાના ભાવમાં નોંધાયો ઘટાડો, ફટાફટ ચેક કરો આજે કેટલું સસ્તું થયુ સોનું

• MCX સોનાના ભાવમાં 0.25 ટકા ઘટાડો નોંધાયો
• ચાંદીની કિંમત 0.21 ટકા ઘટાડા સાથે કારોબાર કરી રહી છે
• રેકોર્ડ સ્તરથી 7100 રુપિયે વેચાઈ રહ્યું છે સસ્તું સોનું

MCX સોનાના ભાવમાં 0.25 ટકા ઘટાડો નોંધાયો

તહેવારોની સિઝનમાં સોના- ચાંદીના ભાવમાં ઉતાર ચઢાવ જારી છે. તેવામાં જો ખરીદી કરવાનો પ્લાન બનાવી રહ્યા છો તો આ સારી તક છે.  મલ્ટી કમોડિટી એક્સચેન્જ પર આજે ડિસેમ્બર ડિલીવરી વાળા સોનાના ભાવમાં 0.25 ટકા ઘટાડો નોંધાયો છે. ત્યારે ચાંદીની કિંમત 0.21 ટકા ઘટાડા સાથે કારોબાર કરી રહી છે.

રેકોર્ડ સ્તરથી 7100 રુપિયે વેચાઈ રહ્યું છે સસ્તું સોનું

ઓગસ્ટ 2020ની સરખામણીએ  MCX પર વર્ષ 2020માં આ સમયે 10 ગ્રામ સોનાનો ભાવ લગભગ 56, 200 રુપિયાના ઉચ્ચત્તમ સ્તર પર પહોંચી ગયો હતો. ત્યારે  MCX અનુસાર આજે સોનું 49,091 રુપિયા પ્રતિ 10 ગ્રામ પર ટ્રેડ કરી રહ્યું છે.એટલે કે ગોલ્ડ પોતાના ઉચ્ચતમ સ્તરથી 7109 રુપિયા સસ્તુ મળી રહ્યું છે.

જાણો શું છે સોના - ચાંદીના ભાવ

ઓક્ટોબરમાં ડિલીવરી વાળા ગોલ્ડની કિંમત આજે 0.25 ટકા ઘટાડાની સાથે 49, 091 રુપિયા પ્રતિ 10 ગ્રામના સ્તર પર છે. ત્યારે આજે કારોબારમાં ચાંદી 0.21 ટકા સરકી છે. આજે 1 કિલો ચાંદીનો ભાવ 66, 825 રુપિયા છે.

મિસ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.