સુવિધા / સરકારની આ યોજના હેઠળ તમારી પાસે રહેલ સોનાનું રોકાણ કરી મેળવો વ્યાજ

• ગોલ્ડ મોનેટાઇઝેશન યોજના
• સોના રોકાણ પર મળી શકે છે 2.5 ટકા સુધીનું વ્યાજ

ગોલ્ડ મોનેટાઇઝેશન યોજનાના બે ફાયદા છે - એક તો છે કે તમારે તમારા સોનાને સુરક્ષિત રાખવા માટે લોકરની સુવિધા લેવાની જરૂર નથી અને બીજું, તમને પણ આ યોજનામાં નાણાંનું રોકાણ કરીને વ્યાજ મેળવી શકાય છે.

ટેક્સમાં પણ મળે છે રાહત

જ્યારે તમે તમારું સોનું ગોલ્ડ મોનેટાઇઝેશન યોજનામાં જમા કરો છો, ત્યારે તમને સોનાના મૂલ્યમાં વધારો કરવાના ફાયદાની સાથે 2.5 ટકા સુધીનું વ્યાજ મળે છે. આ યોજનાનો લાભ અહીં સમાપ્ત થતો નથી. તમે સોનાથી મેળવેલા વ્યાજ પરનો કર પણ બચાવી શકો છો કારણ કે ગોલ્ડ મોનેટાઇઝેશન યોજનામાંથી વ્યાજ અને મૂડી લાભ પર કર વસૂલતો નથી.

ગોલ્ડડ મોનેટાઇઝેશન સ્કીમમાં કેટલું સોનું કરાવી શકાય છે જમા ?

સરકારની ગોલ્ડ મોનેટાઇઝેશન સ્કીમમાં તમે ઓછામાં ઓછું 30 ગ્રામ સોનું જમા કરાવી શકાય છે. જે ગોલ્ડ બાર, ગોલ્ડ કોઇન અથવા ઘરેણાં સ્વરૂપે હોવા જોઇએ. જો ઘરેણાંમાં રત્ન અથવા અન્ય કોઇ ધાતુ હોય તો તેનો વજન અલગથી ગણવામાં આવે છે. આ સ્કીમમાં સોનું જમા કરાવવાને લઇને કોઇ સીમા નથી. 

CPTCના પ્રમાણપત્ર મુજબ બેંક સોનું કરે છે જમા

ગોલ્ડ મોનેટાઇઝેશન યોજના હેઠળ સરકાર વતી બેંકો સોનાને થાપણ તરીકે સ્વીકારે છે. તમે તમારું સોનું સરકારી પ્રમાણિત કેન્દ્ર - સંગ્રહ અને શુદ્ધતા પરીક્ષણ કેન્દ્ર (CPTC) માં જમા કરાવી શકો છો. CPTC સોનાની શુદ્ધતા તપાસે છે અને તમને એક પ્રમાણપત્ર આપે છે જેમાં તમે જમા કરેલા સોનાના જથ્થા વિશેની માહિતી પણ શામેલ છે. આ પ્રમાણપત્રના આધારે, તમે બેંકમાં સોનું જમા કરી શકો છો.

તમારી બેંક પણ કરી શકે આ યોજનાનો અમલ

નીચેની યાદીમાં સમાવેશ થયેલ તમામ બેંક પોતાની અનુકૂળતા મુજબ આ યોજનાનું અમલીકરણ કરી શકે તેવી સત્તા ભારતીય રિઝર્વ બેંક દ્વારા આપવામાં આવેલ છે. 

ગોલ્ડ મોનેટાઇઝેશન યોજના હેઠળ કેટલું વ્યાજ મળે છે

ટૂંકા ગાળાની સોનાની થાપણોનો સમયગાળો એકથી ત્રણ વર્ષનો હોય છે અને તેના પરનું વ્યાજ બેન્કો દ્વારા નક્કી કરવામાં આવે છે. ઉદાહરણ તરીકે, SBI એક વર્ષ માટે 0.50 ટકા અને 2-3 વર્ષ માટે 0.60 ટકા ચૂકવે છે. 

5 થી 7 વર્ષના સમયગાળા માટે, ગોલ્ડ ડિપોઝિટ સ્કીમ 2.25 ટકા જેટલું વ્યાજ મેળવે છે. તે જ સમયે, લાંબા ગાળાની સોનાની થાપણો - જેનો સમયગાળો 12 થી 15 વર્ષ છે - પરંતુ તમને 2.5 ટકા જેટલું વ્યાજ મળે છે.