ચેતવણી / સોનું ખરીદતા પહેલા ચેતી જજો! આ ગેંગના નિશાના પર છે સોનાના ચાહકો

• ખેડામા સોનાના નામે છેતરપિંડી કરતી ગેંગ ઝડપાઈ
• સોનાના અસલી બિસ્કીટ બતાવીને નકલી બિસ્કીટ પધરાવતી હતી
• 100 ગ્રામ સોના સાથે 4 લોકો ઝડપાયા

ખેડામાં સોનાના નામે છેતરપિંડી કરતી ગેંગ ઝડપાઈ છે. સોનાના અસલી બિસ્કીટ બતાવીને નકલી બિસ્કીટ પધરાવતી હતી. 100 ગ્રામ સોના સાથે 4 લોકો ઝડપાયા છે. મહારાષ્ટ્રમાં પણ નકલી સોનુ પધરાવાની ફિરાકમાં હતા. 

ઠગ પાસેથી પોલીસે 2 કાર જપ્ત કરી 

પોલીસે ઠગબાજો પાસેથી 2 કાર પણ જપ્ત કરી છે. અગાઉ સુરતમાં પણ છેતરપિંડીના ગુનામાં આ ગેંગ ઝડપાઈ હતી. 

પોલીસે પકડી પાડી કાયદેસરની કાર્યવાહી હાથ ધરી

સુરત જીલ્લામાં નકલી સોનું આપી છેતરપીંડી કરી લોકોને ઠગતી ગેંગને ૧૦૦ ગ્રામ સોના સાથે પકડી પાડતી નડીઆદ એલસીબી ગ્રાહકોને સસ્તા ભાવે સોનું આપવાની લાલચ આપી પહેલા અસલી સોનું બતાવી બાદમાં સોદો થયા સમયે નકલી સોનું પધરાવી છેતરપીંડી કરતા હતા જોકે ખેડા જીલ્લામાં આવી છેતરપીંડી કરતા પહેલા જ પોલીસે પકડી પાડી કાયદેસરની કાર્યવાહી હાથ ધરી છે 

ચાર ઇસમની ઠગ  ગેંગ પહેલા અસલી સોનું બતાવી સોદામાં નકલી સોનું પધરાવતી

ખેડા એલસીબીને બાતમી મળી હતી કે મહેમદાવાદ અમદાવાદ રોડ ઉપર એક હોટેલમાં કેટલાક ઈસમો મહારાષ્ટ્રના કોઈ ઈસમને અસલી સોનું બતાવી રહ્યા છે અને તેઓ તે બાદ નડીઆદ તરફ આવી રહ્યા છે જે બાતમી આધારે એલસીબીએ ચેકિંગ હાથ ધરી બે સ્વીફ્ટ કારને રોકી ચાર ઈસમોને ૧૦૦ ગ્રામ સોના સાથે પકડી પાડ્યા હતા આ ચાર ઇસમની ઠગ  ગેંગ પહેલા અસલી સોનું બતાવી સોદામાં નકલી સોનું પધરાવવાની ફીરકમાં હતી તે પહેલા જ પકડાય ગઈ હતી જેમાં મુખ્ય આરોપી કેવલ દાલચંદ જૈન (મારવાડી)રહે સમારખા 2-નજીર ઉર્ફે હાજી હુસેનભાઈ મલેક ગ્રીનપાર્ક સોસાયટી આણંદ ૩-ઈરફાન ઉર્ફે બાટલી યુસુફભાઈ પટેલ રહે અછોદ ભરૂચ અને હનીફ નિઝામ પઠાણ રહે આછોદ ભરૂચ ને બે સ્વીફ્ટ કાર ૧૧ મોબાઈલ અને એક ૧૦૦ ગ્રામ સોનાનું બિસ્કીટ સાથે ૧૫ લાખ ૪૪ હજાર ૪૦૦ ના મુદ્દામાલ સાથે ઝડપી પાડી કાયદેસરની કાર્યવાહી હાથ ધરી છે