આંતરરાષ્ટ્રીય બજારમાં સોના-ચાંદીના ભાવમાં કડાકાની અસર સીધી જ અસર ભારતીય બજારો પર પડી છે. બુલિયન માર્કેટમાં આજે સોના અને ચાંદીના ભાવમાં પણ ઘટાડો નોંધાયો છે. નોંધનીય છે કે, ગઇકાલે પણ સોના-ચાંદીના ભાવમાં થયો હતો ઘટાડો.
સોના-ચાંદીના ભાવમાં આજે સતત બીજા દિવસે ઘટાડો
સોનામાં 34 રૂપિયાના ઘટાડો
ચાંદીમાં 143 રૂપિયાનો ઘટાડો
23 ડિસેમ્બર 2020ના રોજ મલ્ટી કોમોડિટી એક્સચેન્જ(MCX) પર સોનાના ભાવમાં લગભગ 34 રૂપિયાના ઘટાડા સાથે કિંમત 50,047 રૂપિયા 10 ગ્રામ પર પહોંચ્યા છે. તો ચાંદીના ભાવમાં 143 રૂપિયાના ઘટાડા સાથે 66728 રૂપિયા પ્રતિ કિલોગ્રામ પર કારોબાર કરી રહ્યું છે.
શેર બજારમાં તેજીના કારણે ઘટી શકે છે કિંમત
આજકાલ શેરબજારમાં ઉછાળો જોવા મળી રહ્યો છે. એક્સિસ સિક્યોરિટીઝનું માનવું છે કે, આવનારા સમયમાં સોના પર દબાણ વધી શકે છે. જેના કારણે કિંમતમાં હજી ઘટાડો થવાની સંભાવનાઓ છે.
આંતરરાષ્ટ્રીય માર્કેટમાં સોનાના ભાવમાં સામાન્ય વધારો
આંતરરાષ્ટ્રીય માર્કેટની વાત કરવામાં આવે તો ગોલ્ડની કિંમતમાં બુધવારે સામાન્ય વધારો નોંધાયો હતો. સ્પોટ ગોલ્ડ 0.2 ટકા વધીને 1863.83 ડોલર પ્રતિ ઔંસ પર પહોંચી ગયો છે. યૂએસ ગોલ્ડ ફ્યૂચર 0.1 ટકા ઘટીને ગોલ્ડ 1868.10 ડોલર પ્રતિ ઔંસ પર આવી ગયો છે. દુનિયાનો સૌથી મોટો ગોલ્ડ ઇટીએફ એસપીડીઆર ગોલ્ડ ટ્રસ્ટનું હોલ્ડિંગ 0.20 ટકા ઘટીને 1167.53 ટન પર પહોંચી છે. મંગળવારે તે 1169.86 ટન હતો. આ વચ્ચે સિલ્વર પણ એક ટકા ઉપર ઉછળીને 25.83 ડોલર પ્રતિ ઔંસ પર પહોંચ્યું છે.
દિલ્હીમાં સોનાનો ભાવ
મંગળવારે દિલ્હી બુલિયન માર્કેટમાં સોનાના ભાવમાં 243 રૂપિયાનો ઘટાડો જોવા મળ્યો હતો. તે જ સમયે, ચાંદીના ભાવ પણ મંગળવારે રૂ 216 ઘટીને 67,177 રૂપિયા પ્રતિ કિલો રહ્યા હતા. વૈશ્વિક બજારોમાં બંને કિંમતી ધાતુઓમાં ઘટતા વલણની અસર પણ અહીં જોવા મળી હતી. મોતીલાલ ઓસ્વાલ ફાઇનાન્સિયલ સર્વિસીસના વાઇસ પ્રેસિડેન્ટ (કોમોડિટીઝ) નવનીત દમાનીએ જણાવ્યું હતું કે સોના-ચાંદીના આંતરરાષ્ટ્રીય ભાવોના ઘટાડાની અસર ભારતીય બજારોમાં પણ પડી છે.