ફિચ પછી બે અન્ય રેટિંગ એજન્સીઓ ગોલ્ડમેન સેક્શ અને ઇંડિયા રેટિંગ્સે ભારતની નીતિ-નિયંત્રકો માટે ચિંતા વધારી દીધી છે. બંને રેટિંગ એજન્સીઓનું અનુમાન છે કે ચાલુ નાણાંકીય વર્ષ એટલે કે 2020-21માં ભારતના GDPમાં અંદાજે 12 થી 15 ટકા જેટલો ભારે ઘટાડો જોવા મળી શકે છે.
ઉલ્લેખનીય છે કે આ અગાઉ રેટિંગ એજન્સી ફિચે પણ અનુમાન જાહેર કરતાં કહ્યું હતું કે કોરોના સંકટના કારણે ભારતીય અર્થવ્યવસ્થામાં આ વર્ષે 10.5 ટકાનો ઘટાડો આવી શકે છે. ભારત સરકાર દ્વારા જાહેર કરવામાં આવેલા આંકડા મુજબ આ નાણાંકીય વર્ષના પહેલા જૂનના ત્રિમાસિકમાં GDPમાં 23.9 ટકા જેટલો ઐતિહાસિક ઘટાડો આવ્યો છે.
ગોલ્ડમેન સેક્શ (Goldman Sachs)નું અનુમાન
ઇન્વેસ્ટમેંટ બેંક ગોલ્ડમન સેક્શ (Goldman Sachs)ના અનુમાન મુજબ ચાલુ નાણાંકીય વર્ષ 2020-21માં ભારતીય અર્થવ્યવસ્થામાં 14.8 ટકા જેટલો ભારે ઘટાડો આવી શકે છે. આ પહેલા Goldman Sachs દ્વારા 11.8 ટકાનું અનુમાન જાહેર કરાયું હતું.
Goldman Sachs એ એક તપાસ બુકમાં કહ્યું, જૂન ત્રિમાસિકના GDPના આંકડાને ધ્યાનમાં લઇ અમે ભારતના GDPનું અનુમાનમાં મોટો ફેરફાર કરી રહ્યાં છે. અમારું અનુમાન છે કે આ કેલેન્ડર વર્ષ 2020માં GDPમાં 11.1 ટકા અને નાણાંકીય વર્ષ 2020-21માં 14.8 જેટલો ઘટાડો આવી શકે છે.
શું છે ઇંડિયા રેટિંગનું અનુમાન
ઇંડિયા રેટિંગ એડ રિસર્ચ (Ind-Ra)એ નાણાંકીય વર્ષ 2020-21માં ભારતના GDPમાં 11.8 ટકા ઘટાડોનું અનુમાન જાહેર કર્યું છે.
જો કે આ સ્વદેશી રેટિંગ એજન્સીનું અનુમાન છે કે નાણાંકીય વર્ષ 2021-22માં અર્થવ્યવસ્થા ફરી પાટા પર આવી જશે અને તેમાં 9.9 ટકા જેટલો વધારો થઇ શકે છે. એજન્સીના જણાવ્યાં અનુસાર ચીનની GDP આ વર્ષે વધશે અને તેની આર્થિક વૃદ્ધિ દર 2.7 ટકા સુધી રહી શકે છે.
ઉલ્લેખનીય છે કે આ અગાઉ રેટિંગ એજન્સી ફિચે અનુમાન લગાવ્યું હતું કે આ નાણાંકીય વર્ષ 2020-21માં ભારતીય અર્થવ્યવસ્થામાં 10.5 ટકા જેટલો ભારે ઘટાડો આવી શકે છે. એટલે કે GDP ગ્રોથ માઇનસ 10.5 ટકા થઇ શકે છે. ઉલ્લેખનીય છે કે કોરોના સંકટના કારણે દેશના જૂન ત્રિમાસિકના GDPમાં 23.9 ટકા જેટલો ઘટાડો આવ્યો છે.