સંકટ / દુનિયાભરમાં 'ચીપની અછતનું સંકટ': ઑટો ઈન્ડસ્ટ્રીને એવો ફટકો પડ્યો કે 41% વેચાણ ઘટ્યું 

• ગયા વર્ષે સપ્ટેમ્બરના વેચાણ કરતાં આ વર્ષે 41.26% ઓછું 
• ટુ-વ્હીલર્સનું ઉત્પાદન પણ ઘટ્યું
• તહેવારોની સિઝનમાં કાર વધુ વેચાય છે

41% વાહનોનું વેચાણ ઘટ્યું

દેશની ઓટોમોબઈલ કંપનીઓની સંસ્થા સોસાયટી ઓફ ઈન્ડિયન ઓટોમોબાઈલ મેન્યુફેકચરર્સ (સિયામ)એ ગુરુવારે તેના સપ્ટેમ્બરના વેચાણના આંકાડા જાહેર કર્યા છે. આ આંક એકદમ ભયનાક છે. તેમના મતે તમામ ઓટો મોબાઈલ કંપનીઓએ સપ્ટેમ્બરમાં 1,60,070 પેસેન્જર વાહનો વેચ્યો છે. કોરોના હોવા છતાં ગયા વર્ષે સપ્ટેમ્બરમાં 2,72,027 પેસેન્જર વાહનોના વેચાણ કરતાં આ 41.26% ઓછું છે. સિયામ કહે છે કે સ્થાનિક બજારમાં પણ ઓગસ્ટની સરખામણી સ્પટેમ્બર પેસેન્જર વાહનોનું વેચાણ 30.07% ઘટ્યું છે 

ટુ-વ્હીલર્સનું ઉત્પાદન ઘટ્યું

પેસેન્જર વ્હીકલ ઉપરાંત 2-વ્હીલર સેગમેન્ટમાં પણ કંપનીઓના વેચાણમાં ઘટાડો થયો છે. સપ્ટેમ્બરમાં, તે પાછલા વર્ષ કરતા 17% ઓછું હતું. સાથે જ કંપનીઓના ઉત્પાદનમાં પણ ઘટાડો થયો છે. દેશની સૌથી મોટી 2-વ્હીલર કંપની હીરો મોટોકોર્પે સપ્ટેમ્બરમાં ઉત્પાદનમાં 32%, રોયલ એનફિલ્ડમાં 62%, TVS માટે 1.4% અને બજાજ ઓટોમાં 5% ઘટાડો નોંધાવ્યો છે. બીજી બાજુ, પેસેન્જર વાહનોનું એકંદર ઉત્પાદન વાર્ષિક ધોરણે 37.5% અને 2-વ્હીલર્સનું ઉત્પાદન 17% ઘટ્યું છે.

તહેવારોની સિઝનમાં કાર વધુ વેચાય છે

ભારતમાં ગણેશ ચતુર્થીની આસપાસ લોકોમાં નવી કાર ખરીદવાનો ટ્રેન્ડ છે. ત્યારબાદ નવરાત્રિ અને તહેવારોની સિઝન શરૂ થાય છે. તેથી  ઘણી કંપનીઓ આ સિઝનમાં તેમના નવા વાહનો અને મોડલ લોન્ચ કરે છે.પરંતુ ગયા વર્ષના કોવિડ અને આ વર્ષની ચિપ કટોકટીને કારણે હજુ સુધી બજારમાં તહેવારોની ખરીદી નથી. આવી સ્થિતિમાં જો ચીપની કટોકટી ઘેરી બનશે તો આ વખતે તહેવારોની મોસમ ઝાંખી પડવાની શક્યતા છે. કોઈપણ રીતે, સપ્ટેમ્બરના વેચાણના આંકડા તદ્દન ડરાવવાના છે.